شىعىس قازاقستان وبلىسىنداعى تراسسالاردا اۋىر جۇك كولىكتەرىنىڭ قوزعالىسىنا شەكتەۋ قويىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
شقو پوليسيا دەپارتامەنتى باسپا ءسوز قىزمەتىنىڭ مالىمەتىنشە، 1 ماۋسىم مەن 15 تامىز ارالىعىندا ساعات 11.00-دەن 21.00-گە دەيىن اۋا تەمپەراتۋراسى +25°س جوعارى بولعان كەزدە ءبىر وسكە جۇكتەمەسى 8 توننادان اساتىن جۇك كولىكتەرىنىڭ قوزعالىسى ءۇشىن ۋاقىتشا شەكتەۋ ەنگىزىلدى.
«بۇل شەكتەۋ جۇكتەر مەن جولاۋشىلاردىڭ حالىقارالىق تاسىمالىن جۇزەگە اسىراتىن اۆتوكولىكتەرگە، سونداي-اق تەز بۇزىلاتىن تاۋارلاردى، ءقاۋىپتى جۇكتەردى، جولاۋشىلار مەن باگاجدى تاسىمالدايتىندارعا قولدانىلمايدى. اۋىر جۇك تاسيتىن جۇرگىزۋشىلەرگە ەنگىزىلگەن شەكتەۋلەردى ەسكەرە وتىرىپ، مارشرۋت قۇرۋعا شاقىرامىز»، - دەپ حابارلادى ۆەدومستۆو وكىلدەرى.