ءقازىر بۇل قۇلپىناي ساتىلىمدا جوق
اقش پەن كانادادا ۆيرۋس جۇقتىرعان ورگانيكالىق قۇلپىنايدىڭ كەسىرىنەن ا گەپاتيتىنىڭ ءورشۋ فاكتىسى تىركەلدى. جەمىستىڭ بۇل ءتۇرى اتالعان ەلدەردە 5 ناۋرىز بەن 25 ءساۋىر ارالىعىندا ساتىلعانى بەلگىلى بولدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«Al Jazeera» تەلەكومپانياسىنىڭ مالىمەتىنشە، اقش-تىڭ ازىق-تۇلىك پەن دارى-دارمەكتى باقىلاۋ باسقارماسى ۆيرۋس جۇقتىرعان جەمىستەردىڭ «FreshKampo» ساۋدا ماركاسىمەن بۇكىل ەل اۋماعىندا ساتىلعانىن ايتىپ وتىر. سالدارىنان «ا» گەپاتيتىن جۇقتىرۋدىڭ 17 فاكتىسى تىركەلىپ، 12 ادام اۋرۋحاناعا تۇسكەن. ال كانادادا 10 جاعداي تىركەلىپ وتىر. ونىڭ تورتەۋى البەرتەدە، التاۋى ساسكاچيەۆاندا تىركەلگەن. اقش-تا تىركەلگەن جاعدايلاردىڭ كەمىندە 15ء-ى كاليفورنيا شتاتىنا تيەسىلى. تاماق ونىمدەرى مەن دارى-دارمەكتىڭ ساپاسىن سانيتارلىق قاداعالۋ باسقارماسىنىڭ مالىمەتى بويىنشا، ۆيرۋس جۇقتىرعان قۇلپىناي Trader Joe's پەن Walmart سياقتى كەمىندە 9 ساۋدا جەلىسى ارقىلى ساتىلعان. كانادانىڭ قوعامدىق دەنساۋلىق ساقتاۋ اگەنتتىگى (PHAC) بۇل جەمىستەردىڭ 5-9 ناۋرىز ارالىعىندا ساتىلعانىن مالىمدەپ وتىر. ءقازىر ساتىلىمدا جوق.
«قۇلپىنايدى جاستاي ساتىپ الىپ، توڭازىتىپ ساقتاپ، كەيىن تۇتىنۋعا بولمايدى. جاس كۇيىندە جەلىنبەگەن قۇلپىنايدى سالقىن جەردە ساقتاعاننىڭ وزىندە جەمەي، تاستاۋ كەرەك»»، - دەيدى سانيتارلىق باقىلاۋ باسقارماسىنىڭ ماماندارى.
ا گەپاتيتى – باۋىردى قابىندىراتىن جۇقپالى اۋرۋ. بۇل اۋرۋ سانيتارلىق جاعداي ناشار بولعان جەردە نەمەسە گيگيەنالىق تازالىق ساقتالماعان جاعدايدا تۋىندايدى. دۇنيەجۇزىلىك دەنساۋلىق ساقتاۋ ۇيىمىنىڭ باعالاۋى بويىنشا، 2016 جىلى گەپاتيتتىڭ بۇل تۇرىنەن 7 134 ادام كوز جۇمعان. گەپاتيتتىڭ وزگە تۇرلەرىنەن ءبىر ايىرماشىلىعى – سوزىلمالى اۋرۋلارعا سەبەپكەر بولمايدى.