«قىلمىستىق دۋەت» قالانىڭ تومەنگى بولىگىندە ارەكەت ەتىپ جۇرگەن.
قالالىق كريمينالدىق پوليسيانىڭ مالىمەتىنشە، قءازىر ولاردىڭ الماتىنىڭ جەتىسۋ جانە تۇركسىب اۋداندارىنداعى ءۇش پاتەردى توناۋعا قاتىسى بار ەكەندىگى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ولار 40 جاستاعى م. ەسىمدى ازامات جانە 38 جاستاعى ك. ەسىمدى ازامات. بۇعان دەيىن ەكى كۇدىكتى دە مۇلىكتىك قىلمىستار جاساعانى ءۇشىن جازاسىن وتەپ كەلگەن. ولاردى پوليسيانىڭ ارنايى جاساعىنىڭ كومەگىمەن كريمينالدىق پوليسيا قىزمەتكەرلەرى قىلمىس ۇستىندە ۇستادى. راتۋشنوگو كوشەسىندەگى ۇيلەردىڭ بىرىندە ورنالاسقان بوتەن بىرەۋدىڭ پاتەرىنە قاسكويلەر الدىڭعى ەسىكتىڭ قۇلپىنا كىلت تاڭداۋ ارقىلى كىرگەن. ول جەردەن ۇرىلار پاتەر يەسىنە ءىرى ماتەريالدىق شىعىن كەلتىرەتىن مۇلىكتى الىپ كەتپەك بولعان. ءقازىر ۇستالعانداردىڭ ەكەۋى دە قاماۋدا»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.
كۇدىكتىلەردىڭ جەكە باسى باسقا دا قىلمىستارعا قاتىسى بار-جوعىنا جانە ۇرلانعان مۇلىكتىڭ ساتىلعان ورنىن انىقتاۋ ماقساتىندا تەكسەرۋ جۇرگىزىلۋدە.