ولار ۋاقىتشا ۇستاۋ يزولياتورىنا قامالدى.
قارجىلىق مونيتورينگ اگەنتتىگىنىڭ ماماندارى رەيدەرلىك تاركىلەۋمەن اينالىسقان ءبىر توپ ادامنىڭ ارەكەتىن توقتاتتى، دەپ حابارلايدى Almaty-akshamy.kz.
14 شىلدەدە، ق ر قپك 128-بابىنا سايكەس، قىلمىستىق ىس-ارەكەت ەپيزودتارىنىڭ ءبىرى بويىنشا ۇستالىپ، ۋاقىتشا ۇستاۋ يزولياتورىنا كەلەسى ازاماتتار قامالدى:
- تاناشيەۆ تيمۋر سەرجان ۇلى، 1983 جىلى تۋعان؛
- بابايەۆ راۋان تيمۋر ۇلى، 1992 جىلى تۋعان؛
- التىباساروۆ اڭسار مۇرات ۇلى، 1990 جىلى تۋعان؛
- ابيجانوۆ داستان ءمادي ۇلى، 1977 جىلى تۋعان.
15 شىلدەدە اتالعان تۇلعالارعا قاتىستى الماتى قالاسى مامانداندىرىلعان تەرگەۋ سوتىنىڭ قاۋلىسىمەن 2 اي مەرزىمگە قاماۋعا الۋ تۇرىندەگى بۇلتارتپاۋ شاراسى سانكسيالاندى.
سونىمەن بىرگە، سوت قوسپايەۆ ەلدوس ايدىنعاليۇلىنا ىزدەۋ جاريالاپ، قاماۋعا الۋ تۋرالى بۇلتارتپاۋ شاراسىن تاڭدادى. ال ، قوسپايەۆ ايدوس ايدىنعالي ۇلى مەن شالين رۋسلان ەۆگەنييەۆيچ كۇدىكتى دەپ تانىلدى.
«قۇرمەتتى ازاماتتار! ەگەر ءسىز اتالعان تۇلعاراردىڭ زاڭسىز ارەكەتتەرىنەن زارداپ شەككەن بولساڭىز، قارجىلىق مونيتورينگ اگەنتتىگىنىڭ سەنىم تەلەفوندارىنا نەمەسە اۋماقتىق ەكونوميكالىق تەرگەۋ باسقارمالارىنا حابارلاسۋىڭىزدى سۇرايمىز»،- دەلىنگەن اگەنتتىكتىڭ حابارلاماسىندا.
پوسموترەت ەتۋ پۋبليكاسيۋ ۆ Instagram