شىعىس قازاقستان وبلىسىندا ساياسي قۋعىن-سۇرگىن قۇربانى قايىم مۇحامەدحانوۆتىڭ رۋحىنا تاعزىم ەتىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
شقو بويىنشا قاجد قىزمەتكەرلەرى ساياسي قۋعىن-سۇرگىن قۇرباندارىن ەسكە الۋ كۇنىنە وراي عىلىم جولىندا تەر توگىپ، ءوز ەلىنىڭ تاريحى مەن زيالىلارىن دارىپتەگەنى ءۇشىن قۋعىن-سۇرگىنگە تاپ بولعان قازاق زيالىسى قايىم مۇحامەدحانوۆتىڭ رۋحىنا تاعزىم ەتىپ، ەسكەرتكىشىنە گۇل شوقتارىن قويدى. ەسكەرتكىش جانىنا جينالعاندار قايىم مەن ونىڭ اكەسى مۇحامەدحاننىڭ ۇيىنە ءجيى قوناققا كەلگەن ۇلت جاناشىرلارى ءاليحان بوكەيحان، احمەت بايتۇرسىن ۇلى، ماعجان جۇمابايەۆ، ءمىرجاقىپ دۋلات ۇلى، جۇسىپبەك ايماۋىتوۆ، مۇحامەدجان تىنىشبايەۆ، حالەل عابباسوۆ، سۇلتانماحمۇت تورايعىروۆ، ىدىرىس مۇستامبايەۆ، امىرە قاشاۋبايەۆ، يسا بايزاقوۆتاردى ەسكە الىپ، ولاردىڭ ءومىر جولدارى تۋرالى سىر شەرتىستى.
«اكەسىنىڭ قازاق مادەنيەتىنىڭ قايراتكەرلەرىن قالىپتاستىرۋ جولىندا قۋعىن-سۇرگىن كورىپ، بىرنەشە رەت تۇتقىندالعانى، سوڭىنان «كەڭەس ۇكىمەتىنە قارسى ۇگىت جۇرگىزگەن» دەگەن ايىپپەن اتۋ جازاسىنا كەسىلگەنى قايىمدى ەلىنىڭ تاريحى مەن ادەبيەتىن كەلەشەك ۇرپاققا مۇرا ەتىپ قالدىرۋعا وقتالعان نيەتىنەن باس تارتتىرا المادى. اكەسىنىڭ ولىمىنەن كەيىن ءوزى دە اباي تۆورچەستۆوسىن عىلىمي تۇرعىدا زەرتتەگەنى ءۇشىن تۇتقىندالىپ، قاراعاندى لاگەرىنە جىبەرىلگەن. ءستاليننىڭ ولىمىنەن كەيىن عانا بوستاندىققا شىققان قايراتكەردىڭ بىزگە قالدىرعان اسىل مۇراسى باعاسىز»، - دەدى وۆ 156/14 تۇزەتۋ مەكەمەسى تاربيە ءبولىمىنىڭ باستىعى رۋسلان قاماجانوۆ.