كولىكتى ءجيى تەكسەرتىر تۇرۋ قاجەت
شىعىس قازاقستان وبلىسىندا بيىل 160 كولىك ورتەندى، دەپ حابارلايدى Almaty-akshamy.kz.
شقو تجد باسپا ءسوز قىزمەتىنىڭ مالىمەتىنە سۇيەنسەك، ءوڭىر بويىنشا ءاربىر التىنشى ءورت اۆتوكولىكتە تىركەلەدى. جالپى وسى جىلدىڭ باسىنان بەرى بارلىعى 160 كولىك وتقا ورانعان.
«ماسەلەن، ۇلان اۋدانى قاسىم قايسەنوۆ كەنتىندەگى 2013 جىلى شىعارىلعان «HYNDAI Conti» ماركالى اۆتوبۋستىڭ موتور بولىگىندەگى جانعىش بولشەكتەر ورتەنگەن. قىزىل جالىننىڭ جالپى اۋدانى 1 شارشى مەتردى قۇرادى. سونداي-اق ريددەر قالاسى چاپايەۆ كوشەسىندە 2002 جىلى شىققان «فورد ماۆەريك» ماركالى اۆتوكولىكتە قىسقا تۇيىقتالۋ بولدى. ابىروي بولعاندا، ءورت تارالماي تۇرىپ اۋىزدىقتالدى»، - دەلىنگەن اقپاراتتا.
وسى رەتتە، قۇتقارۋشىلار ءوڭىر جۇرتشىلىعىنا بارىنشا اباي بولىپ، كولىگىن ءجيى تەكسەرتىپ تۇرۋ قاجەتتىگىن ەسكەرتەدى.