ساۋدا ورتالىعىنىڭ ەكىنشى قاباتىنان سۋبۇرقاققا سەكىرگەن جىگىت ۇستالدى

بولعان وقيعا تۋرالى ساۋدا ورتالىعىنىڭ كۇزەتشىسى حابار بەرگەن

ەلوردالىق پوليسيا دەپارتامەنتىنىڭ قىزمەتكەرلەرى Mega SilkWay ساۋدا ورتالىعىندا ەكىنشى قاباتتان سۋبۇرقاققا سەكىرگەن تۇرعىندى ۇستادى. ول ۇساق بۇزاقىلىق ءۇشىن اكىمشىلىك قاماۋعا الىندى، دەپ حابارلايدى Almaty-akshamy.kz sputnik.kz سايتىنا سىلتەمە جاساپ.

پوليسيا اقپاراتىنا سايكەس، بولعان وقيعا تۋرالى ساۋدا ورتالىعىنىڭ كۇزەتشىسى حابار بەرگەن.

«19 جاستاعى استانالىق دوستارىمەن باستەسىپ، ءبىرىنشى قاباتتاعى سۋبۇرقاققا سەكىرگەن. وقيعا ساۋدا ورتالىعىنا كەلۋشىلەردىڭ كوز الدىندا بولدى. جىگىتتى Mega SilkWay كۇزەتشىلەرى ۇستاپ، پوليسيا قىزمەتكەرلەرىنە بەردى»، – دەدى قالالىق پوليسيا دەپارتامەنتىندە.

وقيعا ورنىندا ءمان-جاي انىقتالعان سوڭ جىگىت ەسىل اۋداندىق پوليسيا بولىمشەسىنە جەتكىزىلدى. اكىمشىلىك قۇقىقبۇزۋشىلىق تۋرالى كودەكستىڭ 434-بابى («ۇساق بۇزاقىلىق») بويىنشا اكىمشىلىك ءوندىرىس باستالدى.

«مامانداندىرىلعان اۋدانارالىق سوت شەشىمىمەن ءتارتىپ بۇزعان تۇرعىن قاماۋعا الىندى»، – دەپ ناقتىلادى پوليسيا دەپارتامەنتىندە.

جىگىت بۇعان دەيىن دە ۇساق بۇزاقىلىق ءۇشىن جاۋاپقا تارتىلعان. ول جولى الماتى مەتروسىندا مۋزىكانى قاتتى قوسقان.