فابريكالار تاۋىق جۇمىرتقالارىنىڭ باعاسىن ءبىر مەزگىلدە كوتەرگەن
ق ر باسەكەلەستىكتى قورعاۋ جانە دامىتۋ اگەنتتىگى قاراعاندى وبلىسىنىڭ قۇس فابريكالارىنا قاتىستى تەرگەپ-تەكسەرۋ باستالعانىن مالىمدەدى، دەپ حابارلايدى Almaty-akshamy.kz.
اتالعان اگەنتتىكتىڭ قاراعاندى وبلىسى بويىنشا دەپارتامەنتى ايماقتاعى تاۋىق جۇمىرتقالارىن كوتەرمە ساتۋ نارىعىنداعى تالداۋ قورىتىندىسى بويىنشا «Ushtobe Qus» ج ش س، «اگروفيرما كۋرما» ج ش س، «قاراعاندى قۇس» ج ش س ىس-ارەكەتىندە تاۋىق جۇمىرتقالارىنىڭ باعاسىن ءبىر مەزگىلدە كوتەرۋ بولىگىندە مونوپولياعا قارسى زاڭنامانىڭ بۇزىلۋ بەلگىلەرىن انىقتاعان.
«قاراعاندى قۇس» جشس-نە قاتىستى انىقتالعان فاكتىلەر نەگىزىندە جۇمىرتقاعا نەگىزدەلگەن باعانى تومەندەتۋ، سونداي-اق الداعى ۋاقىتتا باسەكەلەستىكتى قورعاۋ سالاسىنداعى بۇزۋشىلىقتارعا جول بەرمەۋ تۋرالى حابارلاما ەنگىزىلدى.
«قۇرما اگروفيرماسى» ج ش س جانە «Ushtobe Qus» ج ش س قاتىستى تەرگەپ-تەكسەرۋ باستالدى، سەبەبى اتالعان كاسىپورىندار ءبىر كۇنتىزبەلىك جىل ىشىندە وسىنداي بۇزۋشىلىقتاردى قايتالاپ جاساعان،-دەلىنگەن حابارلامادا.