شەتەلدىكتەردىڭ كوشى-قون باقىلاۋىن قامتاماسىز ەتۋ ماقساتىندا كوشى-قون قىزمەتى بولىمشەلەرىنىڭ قىزمەتكەرلەرى ۋاقىتشا جانە تۇراقتى تۇراتىن شەتەلدىك ازاماتتاردىڭ مەكەنجايلارىن، سونداي-اق قابىلداۋشى تۇلعالاردىڭ ولاردا شەتەلدىكتەردىڭ بولۋى تۋرالى حابارلامالارىنىڭ بولۋىن تەكسەرۋ بويىنشا جۇمىس جۇرگىزۋدە، دەپ حابارلايدى Almaty-akshamy.kz BAQ.KZ-كە سىلتەمە جاساپ.
5 شىلدەدە كوشى-قون قىزمەتىنىڭ قىزمەتكەرلەرى ۋاكىلەتتى ورگاننىڭ رۇقساتىنسىز ەڭبەك قىزمەتىن جۇزەگە اسىرعانى ءۇشىن وزبەكستان رەسپۋبليكاسىنىڭ 5 ازاماتىن انىقتادى. ولار سوت شەشىمىمەن قازاقستان رەسپۋبليكاسىنان تىس جەرگە شىعارىلعان. قولدانىستاعى زاڭناماعا سايكەس شەتەلدىكتەرگە قازاقستان رەسپۋبليكاسىنا كىرۋ 5 جىل مەرزىمگە جابىق، - دەپ جالعاستىردى ماكسيم پۋپكوۆ.
شەتەلدىك جۇمىس كۇشىن زاڭسىز تارتقانى ءۇشىن جۇمىس بەرۋشىگە قاتىستى ق ر اقبتك 519-بابى بويىنشا اكىمشىلىك جاۋاپكەرشىلىككە تارتۋعا ماتەريال شىعىس قازاقستان وبلىسىنىڭ مەملەكەتتىك ەڭبەك ينسپەكسياسى باسقارماسىنا جولداندى.
كوشى-قون قىزمەتى ۋاكىلەتتى ورگاننىڭ رۇقساتىن الماستان قازاقستان رەسپۋبليكاسىنا ۋاقىتشا كەلگەن شەتەلدىك ازاماتتاردىڭ ەڭبەك قىزمەتىنە تىيىم سالىنعانىن ەسكەرتەدى، - دەدى شقو پد كوشى-قون قىزمەتى باسقارماسىنىڭ باستىعى ماكسيم پۋپكوۆ.