شاھاردا قايتادان ۆاكسينالاۋ، ريەۆاكسينالاۋ باستالادى
الماتى قالاسى كۆي بويىنشا «سارى» ايماقتا بولعانمەن، قالادا كارانتيندىك شارالار قاتاڭداتىلعان جوق. سەبەبى، تۇرعىنداردىڭ 90%-دا ىندەت جەڭىل تۇردە ءوتىپ جاتىر. بۇل تۋرالى پرەمەر-مينيستردىڭ ورىنباسارى ەرالى توعجانوۆ ايتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«ءبىز ازىرگە قاتاڭ شەكتەۋلەرگە بارىپ جاتقان جوقپىز. سەبەبى، حالىقتىڭ 90%-دا اۋرۋ جەڭىل تۇردە ءوتىپ جاتىر. وسىنىڭ ءبارىن ەسكەرىپ وتىرمىز. دەگەنمەن، «ساقتىقتا قورلىق جوق» دەگەندەي، ءالى دە ساقتانۋ كەرەك. ىندەتكە جەڭىل قاراۋعا بولمايدى. ءار ادام وزىنە، اينالاسىنا جاۋاپكەرشىلىكپەن قاراۋ كەرەك»، - دەدى ۆيسە-پرەمەر.
ونىڭ ايتۋىنشا، الماتىدا كۆي-گە قارسى ناقتى شارالار قابىلدانىپ جاتىر.
«شاھاردا قايتادان ۆاكسينالاۋ، ريەۆاكسينالاۋ باستالادى. ايتا كەتەيىن، بۇگىندە الماتىلىقتاردىڭ 85%-نىڭ كۆي-مەن اۋرۋىنىڭ سەبەبى، ەككەن ۆاكسيناسىنىڭ ۋاقىتى ءوتىپ كەتۋى نەمەسە مۇلدە ۆاكسينا الماعاننان بولىپ وتىر. سوندىقتان، قايتالاپ ايتام، ۆاسينانى قابىلداۋ كەرەك، ماسكالىق رەجيمدى، جەكە گيگيەنانى ساقتاۋ كەرەك»، - دەدى ول.
سونداي-اق، ەرالى توعجانوۆ الماتىنىڭ ىندەتكە قارسى دايىندىق شارالارىن وڭ باعالادى.
«قازىرگى تاڭدا قالادا موبيلدىك توپتاردىڭ تەك 70ء-ى ىستەپ تۇر. قاجەت جاعدايدا، ولاردى 150-گە دەيىن كوبەيتۋگە بولادى. قالادا ەپيداحۋال باقىلاۋدا ۇستالىپ وتىر. الماتى قالاسىنان كوپ ازاماتتار مەن جولاۋشىلار باسقا ايماقتارعا شىعىپ جاتادى. سوندىقتان، بۇگىندە «جاسىل» ايماقتا تۇرعان وزگە وڭىرلەر ىندەتكە قارسى ساقتىق شارالارىنا كوڭىل بولگەنى دۇرىس»، - دەپ اتاپ ءوتتى ۆيسە-پرەمەر.