شىعىس قازاقستان وبلىسى سامار اۋدانىنىڭ اكىمى بولىپ رادجان سەيتقانوۆ تاعايىندالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
رادجان قايىرقان ۇلى شىعىس قازاقستان وبلىسى كاتونقاراعاي اۋدانى كاتونقاراعاي اۋىلىندا دۇنيەگە كەلگەن. 2008 جىلى الماتى ەنەرگەتيكا جانە بايلانىس ينستيتۋتىن ينجەنەر ماماندىعى بويىنشا بىتىرگەن. 2015 جىلى الماتى ەكونوميكا جانە ستاتيستيكا اكادەمياسىن ءتامامداپ، ەكونوميكا جانە بيزنەس باكالاۆرى اتاندى. ەڭبەك جولىن 2009 جىلى «شق اەك» اق جابدىقتاردى جوندەۋ جونىندەگى ەلەكتر سلەسارى بولىپ باستاعان. ريددەر قالاسى اكىمدىگىنىڭ «ينفروسەرۆيس» مكك باس ينجەنەرى بولىپ جۇمىس ىستەدى. 2012 جىلى سەمەي قالاسىنداعى «باستاۋ-سەمەي» ج ش س باس ەنەرگەتيگى، گلۋبوكوە اۋدانىنىڭ قۇرىلىس، ساۋلەت جانە قالا قۇرىلىسى ءبولىمىنىڭ مامانى بولىپ ەڭبەك ەتكەن. گلۋبوكوە اۋدانى اكىمدىگىنىڭ «تەپلوەنەرگيا» مكك ديرەكتورىنىڭ مىندەتىن اتقاردى. 2014-2015 جىلدارى كاتونقاراعاي اۋدانىنىڭ مادەنيەت جانە تىلدەردى دامىتۋ ءبولىمىنىڭ ينسپەكتورى، جەتەكشى مامانى، باسشىسى لاۋازىمدارىندا بولدى.
سونىمەن قاتار كاتونقاراعاي اۋدانى ىشكى ساياسات، مادەنيەت جانە تىلدەردى دامىتۋ ءبولىمى باسشىسىنىڭ ورىنباسارى، كاتونقاراعاي اۋدانى كاتونقاراعاي اۋىلدىق وكرۋگى اكىمىنىڭ ورىنباسارى، گلۋبوكوە اۋدانى اكىمىنىڭ ورىنباسارى قىزمەتتەرىن اتقارعان. وسى ۋاقىتقا دەيىن كوكپەكتى اۋدانىنىڭ اكىمى لاۋازىمىندا ەڭبەك ەتتى.