اباي وبلىسى اكىمىنىڭ اپپارات باسشىسى بولىپ جاسۇلان سارسەبايەۆ تاعايىندالدى. ول وسىعان دەيىن شىعىس قازاقستان وبلىستىق ىشكى ساياسات باسقارماسىنىڭ باسشىسى لاۋازىمىن اتقارعان، دەپ حابارلايدى Almaty-akshamy.kz Inform.kz-كە سىلتەمە جاساپ.
جاسۇلان بىرلىك ۇلى سارسەبايەۆ 1986 جىلى 22 شىلدەدە بۇرىنعى سەمەي وبلىسى اياگوز قالاسىندا دۇنيەگە كەلگەن. ماماندىعى - زاڭگەر. ەڭبەك جولىن «قازاقستانداعى جاس زاڭگەرلەر قاۋىمداستىعى» رەسپۋبليكالىق قوعامدىق بىرلەستىگى سەمەي قالاسى بويىنشا فيليالىنىڭ ديرەكتورى بولىپ باستاعان. ءار جىلداردا شىعىس قازاقستان وبلىسىنىڭ ىشكى ساياسات باسقارماسىنىڭ ءدىني بىرلەستىكتەر جانە ساياسي پارتيالارمەن جۇمىس بويىنشا ءبولىمنىڭ باس مامانى، مادەنيەت باسقارماسى باسشىسىنىڭ ورىنباسارى، جاستار ساياساتى ماسەلەلەرى باسقارماسىنىڭ باسشىسى قىزمەتتەرىن اتقارعان.
2015-2019 جىلدارى شىعىس قازاقستان وبلىسىنىڭ تۋريزم جانە سىرتقى بايلانىستار باسقارماسىنىڭ باسشىسى بولىپ قىزمەت ەتتى. 2019 جىلدىڭ قاڭتار-تامىز ايلارى ارالىعىندا شقو اكىمى اپپاراتىنىڭ باسشىسى بولدى. وسى ۋاقىتقا دەيىن شىعىس قازاقستان وبلىستىق ىشكى ساياسات باسقارماسىنىڭ باسشىسى لاۋازىمىن اتقارعان.