ريددەردە 31 جەلتوقساندا جوعالعان ءجاسوسپىرىم ەكى كۇننەن كەيىن امان تابىلدى، - دەپ حابارلايدى aqshamnews.kz ءتىلشىسى.
بۇل تۋرالى 2 قاڭتاردا پوليسەيلەر مالىمدەدى.
"2025 جىلعى 31 جەلتوقساندا پوليسياعا ريددەر قالاسىندا وقۋ ورنىنا بارعاننان كەيىن ۇيىنە قايتپاعان كامەلەتكە تولماعاننىڭ جوعالعانى تۋرالى حابارلاما ءتۇستى"، - دەلىنگەن ماتەريالدا.
پوليسيا قىزمەتكەرلەرى جەرگىلىكتى تۇرعىنداردىڭ كومەگىمەن ىزدەستىرۋ جۇمىستارىن ۇيىمداستىرىپ، قىزدى تاۋىپ، ونى ۇيىنە جەتكىزدى.
"ۋچاسكەلىك پوليسيا ينسپەكتورلارى جاسوسپىرىممەن جانە ونىڭ اتا-اناسىمەن پروفيلاكتيكالىق اڭگىمە جۇرگىزدى، قاۋىپسىزدىك ەرەجەلەرى مەن بولاشاقتا مۇنداي جاعدايلاردىڭ الدىن الۋعا باعىتتالعان شارالار ءتۇسىندىردى"، - دەدى پوليسەيلەر.
قۇقىق قورعاۋ ورگاندارى ىزدەۋگە كومەكتەسكەننىڭ بارلىعىنا العىس ايتىپ، اتا-انالارعا بالالاردىڭ قاۋىپسىزدىگىن قاداعالاۋدى، ولارمەن تۇراقتى بايلانىستا بولۋدى جانە قانداي دا ءبىر كۇدىك تۋعان جاعدايدا 102 ءنومىرى ارقىلى پوليسياعا دەرەۋ حابارلاسۋدى ەسكە سالدى.