ءۇش بالانىڭ ءبىرىنىڭ دەنەسى 60 پايىز كۇيىك العان
اقمولا وبلىسىنىڭ شورتاندى اۋىلىندا گاز جارىلىسىنان زارداپ شەككەن 12 جاسار بالا قايتىس بولدى، ، دەپ حابارلايدى Almaty-akshamy.kz نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.
«اقمولا وبلىسىنىڭ شورتاندى اۋىلىندا گاز باللونى جارىلىسى سالدارىنان زارداپ شەككەن 2009 جىلى تۋعان بالا 20 قاراشا كۇنى كەشكە قايتىس بولدى. ايتا كەتەيىك، بالا ەلوردالىق اۋرۋحاناعا وتە اۋىر جاعدايدا جەتكىزىلگەن. ول دەرەۋ رەانيماسيا بولىمىنە جاتقىزىلدى، سەبەبى جاعدايى وتە اۋىر بولدى. دەنەنىڭ تەرميالىق كۇيىگى 70 پايىز بولدى. سونداي-اق وتە اۋىر دارەجەدەگى كۇيىك شوگى دا بايقالدى»، - دەلىنگەن حابارلامادا.
ۆەدومستۆودان اتاپ وتكەندەي، بارلىق جۇرگىزىلگەن ەمدەۋ شارالارىنا قاراماستان، جانساقتاۋ بولىمشەسىندە بولعان ناۋقاستى قۇتقارۋ مۇمكىن بولمادى.
«20 قاراشادا بالانىڭ جۇرەگى توقتادى. جانساقتاۋ شارالار اياسىندا جۇرەك قىزمەتى قالپىنا كەلمەدى. ساعات 21:00-دە بيولوگيالىق ءولىم انىقتالدى. ءبىز بالانىڭ تۋىستارى مەن جاقىندارىنا قايعىرىپ كوڭىل ايتامىز»، - دەپ تولىقتىردى ۆەدومستۆودان.
باسپا ءسوز قىزمەتى حابارلاعانداي، زارداپ شەككەن تاعى ءۇش بالانىڭ ءبىرىنىڭ جاعدايى اۋىر.
ءۇش بالانىڭ ءبىرىنىڭ دەنەسى 60 پايىز كۇيىك العان، جاعدايى وتە اۋىر جانساقتاۋ بولىمشەسىندە جاتىر. وتكەن اپتادا تاعى ەكەۋى بەيىندى بولىمشەگە اۋىستىرىلدى، وندا بارلىق قاجەتتى ەم الىپ، دارىگەرلەردىڭ باقىلاۋىندا بولادى. بالالاردىڭ جاعدايى تۇراقتى، ديناميكادا ناشارلاۋسىز، - دەپ حابارلادى باسپا ءسوز قىزمەتى.
ايتا كەتەيىك، 16 قاراشادا اقمولا وبلىسى شورتاندى اۋدانىندا گاز باللونى جارىلىپ، ءۇش ادام قازا تاپقان ەدى.