بالىقشىلار 15 ادامدى قۇتقاردى
ليۆيا جاعالاۋىندا ەۋروپاعا قايىقپەن بارا جاتقان 75-تەن استام ميگرانت سۋعا باتىپ كەتتى، دەپ حابارلايدى Almaty-akshamy.kz «حابار 24» تەلەارانسىنا سىلتەمە جاساپ.
ەۋروپاعا قايىقپەن بارا جاتقان 75-تەن استام ميگرانت جەرورتا تەڭىزىنە ليۆيا جاعالاۋىندا باتىپ كەتكەنى تۋرالى حابارلامانى حالىقارالىق كوشى-قون ۇيىمىنىڭ (حكۇ) جەرگىلىكتى كەڭسەسى جاريالادى.
امان قالعان تاعى 15 ادامدى بالىقشىلار قۇتقارىپ، زۋۆارا قالاسىنا جەتكىزگەن.
ۇيىمنىڭ مالىمەتىنشە، بيىل جەرورتا تەڭىزىندە 1،3 مىڭنان استام بوسقىن قايتىس بولعان.
ايتا كەتەيىك، 2011 جىلى ليۆيا باسشىسى مۋاممار كاددافي ولتىرىلگەننەن كەيىن ليۆيا ءىس جۇزىندە ءبىرتۇتاس مەملەكەت رەتىندە جۇمىسىن توقتاتتى. سونىمەن بىرگە ءقازىر ەل ەۋروپاعا كىرۋگە ۇمتىلعان زاڭسىز ميگرانتتاردىڭ ترانزيتتىك نۇكتەسىنە اينالدى.