شوب شىعىنىن وتەۋ تەتىگىنە ءبىرقاتار وزگەرىستەر ەنگىزىلدى

وزگەرىستەر ءتيىمدى ناتيجەگە قول جەتكىزۋ ءۇشىن ەنگىزىلدى.

شوب سۋبەكتىلەرىنە مۇلىكتىك زياندى انىقتاۋ جونىندەگى ايماقتىق كوميسسيانىڭ 2022 جىلعى 20 اقپانداعى وتىرىسىندا كاسىپكەرلەردىڭ جالپى سوماسى 427 ملن تەڭگەگە 119 ءوتىنىمى ماقۇلداندى. ونىڭ ىشىندە 295،7 ملن تەڭگە سوماعا 64 ءوتىنىم بيۋدجەت قاراجاتى ەسەبىنەن، 131،3 ملن تەڭگەگە 55 ءوتىنىم «جاڭا الاتاۋ» قايىرىمدىلىق قورىنىڭ قارجىسىنان وتەلەدى، دەپ حابارلايدى Almaty-akshamy.kz. 

الماتى قالاسى بويىنشا كوميسسيانىڭ جۇمىسى باستالعالى بەرى بارلىعى 1 545،7 ملن تەڭگە سوماعا 720 ءوتىنىم ماقۇلداندى، ونىڭ ىشىندە بيۋدجەت قاراجاتىنان 793،8 ملن تەڭگە سوماعا 345 ءوتىنىم، «جاڭا الاتاۋ» قورى قارجىسىنان 751،9 ملن تەڭگە سوماعا 375 ءوتىنىم. 

سونىمەن قاتار، الماتى قالاسى ايماقتىق كوميسسياسىنىڭ باستاماسى بويىنشا شوب-قا كەلتىرىلگەن شىعىندى وتەۋ تەتىگىنە تولەمدەر بويىنشا نەعۇرلىم ءتيىمدى ناتيجەگە قولجەتكىزۋ ءۇشىن ءبىرقاتار وزگەرىستەر ەنگىزىلدى. ماسەلەن، ەندى جەڭىلدەتىلگەن ءتاسىل بويىنشا جىلجىمايتىن مۇلىك پەن كولىككە كەلتىرىلگەن شىعىن ءۇشىن 10 ملن تەڭگەگە دەيىن (بۇرىن 5 ملن تەڭگەگە دەيىن)؛ زاقىمدالعان جابدىققا سوماسى بويىنشا شەكتەۋسىز (بۇرىن 5 ملن تەڭگەگە دەيىن) وتەماقى تولەنەدى.

سونداي-اق، سوت ساراپتاماسىن جۇرگىزۋ ءۇشىن جەكە ادۆوكاتتاردىڭ قىزمەتىنە زارداپ شەككەن كاسىپكەرلەردىڭ شىعىندارىن وتەۋ بويىنشا وزگەرىستەر ەنگىزىلدى (بۇرىن قىزمەت ءوتىنىش بەرۋشىلەردىڭ ەسەبىنەن تولەنگەن). بۇل رەتتە شىعىننىڭ الدىن الا سوماسىن قۇقىق قورعاۋ ورگاندارى 2022 جىلعى قاڭتارداعى جاپپاي تارتىپسىزدىكتەر ناتيجەسىندە جابىرلەنۋشى دەپ تانۋ تۋرالى قاۋلىدا جازىپ قويۋعا ءتيىس (بۇرىن ءراسىم ۇسىنىمدىق سيپاتتا بولعان).