بۇيرىق 2022 جىلدىڭ 1 ناۋرىزىنان باستاپ كۇشىنە ەنەدى.
دەنساۋلىق ساقتاۋ ءمينيسترىنىڭ 2022 جىلعى 16 اقپانداعى بۇيرىعىمەن كەيبىر سوزىلمالى اۋرۋلاردىڭ اۋىر تۇرلەرىنىڭ ءتىزىمى بەكىتىلدى، دەپ حابارلايدى Almaty-akshamy.kz
تىزىمگە مىنا اۋرۋ تۇرلەرى ەندى:
تۇراقتى پسيحوتيكالىق سيمپتومدارى جانە ايقىن وزگەرىستەرى بار پسيحيكالىق، مىنەز-قۇلىق بۇزىلىستارى (اۋرۋلارى).
ورتالىق جۇيكە جۇيەسىنىڭ اياق-قولداردىڭ ديسفۋنكسياسى مەن جامباس مۇشەلەرىنىڭ فۋنكسيالارىمەن ورگانيكالىق جانە پوستتراۆماتيكالىق زاقىمدانۋى.
برونح دەمىكپەسىنىڭ اۋىر ءتۇرى، ءجيى ۇستامالارى بار، III دارەجەلى تىنىس جەتىسپەۋشىلىگىمەن اسقىنعان ۇزدىكسىز قايتالاناتىن ءتۇرى.
قوزعالتقىش فۋنكسيالارىنىڭ جوعالۋى بار تۇقىم قۋالايتىن پروگرەسسيۆتى جۇيكە-بۇلشىقەت ديستروفياسىنىڭ اۋىر تۇرلەرى.
ءى-تيپتى قانت ديابەتىنىڭ اۋىر ءتۇرى.
اۋرۋلاردىڭ تولىق ءتىزىمىن مىنا جەردەن كورۋگە بولادى.
مۇنداي سوزىلمالى اۋرۋلارى بار قازاقستاندىقتار ەندى حالىقتىڭ الەۋمەتتىك وسال توپتارىنا جاتادى جانە مەملەكەتتىك تۇرعىن ءۇي قورىنان باسپاناعا مۇقتاج دەپ تانىلدى.
بۇيرىق 2022 جىلدىڭ 1 ناۋرىزىنان باستاپ كۇشىنە ەنەدى.