ءقازىر ەلدە جالپىعا بىردەي دەكلاراسيانىڭ ەكىنشى كەزەڭى ءوتىپ جاتىر.
1 ملن 700 مىڭعا جۋىق ادام دەكلاراسيا تاپسىرۋ قاجەت. بۇگىنگە دەيىن 65 پايىزى تابىسىن كورسەتكەن، دەپ حابارلايدى Almaty-akshamy.kz 24.kz-كە سىلتەمە جاساپ.
قاڭتاردان باستاپ مەملەكەتتىك مەكەمەلەر مەن كۆازي-مەملەكەتتىك سەكتور قىزمەتكەرلەرى، جەكە تابىس سالىعى مەن مۇلكى بويىنشا ەسەپ بەرىپ جاتىر. دەكلاراسيالاۋ 2021 جىلى ەنگىزىلدى. ازاماتتار جىلدىق تابىسىن، بارلىق كىرىستەرىن اشىق كورسەتۋگە مىندەتتى. كەلەر جىلى جەكە كاسىپكەرلەر 2025 جىلى وزگە ساناتتاعى ازاماتتار، دەكلاراسيا تاپسىراتىن بولادى.
«ەگەر ازامات قانداي دا ءبىر سەبەپتەرمەن دەكلاراسيا تاپسىرۋ بارىسىندا ءبىر مۇلكىن كورسەتۋدى ۇمىتىپ كەتسە، ول ءۇش جىل ىشىندە اتالعان دەكلاراسياعا قوسىمشا دەكلاراسيا تاپسىرا الادى. بۇل سالىق كودەكسىندە كورسەتىلگەن. ەگەر ازامات قانداي دا ءبىر سەبەپتەرمەن دەكلاراسيانى تاپسىرماسا، ءبىرىنشى رەت زاڭ بۇزۋشىلىققا ورىن بەرگەن جاعدايدا ەسكەرتۋ جاسالادى. ودان كەيىن قايتالاسا وندا 15 اەك ايىپپۇل سالىنادى»، - دەيدى ق ر قم مەملەكەتتىك كىرىستەر كوميتەتى باسقارما باسشىسىنىڭ ورىنباسارى اينۇر سارتايەۆا.