بۇل تۋرالى قارۋلى كۇشتەردىڭ باس شتابى ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى، پولكوۆنيك باۋىرجان ارتىقوۆ مالىمدەدى، دەپ حابارلادى اlmaty-akshamy.kz BAQ.KZ-كە سىلتەمە جاساپ.
1 ناۋرىزدان باستاپ جەرگىلىكتى اتقارۋشى ورگاندارىنىڭ 195ء-شى اسكەرگە شاقىرۋ پۋنكتەرىندە قالالىق جانە اۋداندىق اسكەرگە شاقىرۋ كوميسسيالارى ءوز جۇمىسىن باستايدى. وعان اكىمدەردىڭ ورىنباسارلارى باسشىلىق ەتەدى. 2023 جىلى 1 شىلدەگە دەيىن قارۋلى كۇشتەرگە باسقا دا اسكەر قۇرىلىمدارىنىڭ قاتارىنا اسكەرگە شاقىرۋدى كەيىنگە قالدىرۋعا نەمەسە ودان بوساتۋعا نەگىزدەرى جوق 18-دەن 27 جاسقا دەيىنگى 18 مىڭ ەر ازامات شاقىرىلادى، – دەدى باۋىرجان ارتىقوۆ وكق-دا ءوتىپ جاتقان باسپا ءسوز ءماسليحاتىندا.
ارتىقوۆتىڭ اتاپ وتۋىنشە، سونىڭ ىشىندە قارۋلى كۇشتەر 7 مىڭنان استام، ۇلتتىق ۇلان 6 مىڭنان استام، ۇلتتىق قاۋىپسىزدىك كوميتەتىنىڭ شەكارا قىزمەتى 3 مىڭنان استام، توتەنشە جاعدايلار مينيسترلىگى 300-دەن استام، مەملەكەتتىك كۇزەت قىزمەتى 80-نەن استام ازاماتپەن تولىقتىرىلادى.