ۆەرنىي شىڭىن باعىندىرعان الپينيستەردىڭ باتىلدىعى جايلى فيلم ءتۇسىرىلدى

قازاقستاندىق الپينيستەر تيان-شان تاۋىنداعى بيىكتىگى 5250 مەتر بولاتىن ۆەرنىي شىڭىن باعىندىردى.

وسىلايشا، الپينيزم سپورتى بويىنشا الەم چەمپيونى اتاندى. اتلەتتەردىڭ اسا ءقاۋىپتى قۇزعا ورمەلەۋى جونىندە دەرەكتى فيلم ءتۇسىرىلىپ، ونىڭ كورسەتىلىمى ءوتتى، دەپ حابارلايدى Almaty-akshamy.kz Qazaqstan.tv  سايتىنا سىلتەمە جاساپ. 

كينوكارتينانى تاماشالاۋعا «ەۆەرەست» شىڭىن باعىندىرعان العاشقى قازاقستاندىق الپينيست قازبەك ۋالييەۆ قاتىستى. ول ستۋدەنتتىك ءالپينيزمنىڭ بۇگىنى مەن بولاشاعى جونىندە اڭگىمەلەدى. ايتا كەتەيىك، «ۆەرنىي» شىڭىنا سوڭعى وتىز جىلدا ادامزات بالاسىنىڭ اياعى تيمەگەن. "ويتكەنى، وندا تاۋ بەدەرى بىركەلكى ەمەس. قاۋىپتىلىگى جوعارى"، - دەيدى ماماندار.

«بۇگىندە قازاقستاندا الپينيزم سپورتىنىڭ دەڭگەيى ءبىرشاما كوتەرىلدى. ماسەلەن، ەلدەگى جەتەكشى جوعارى وقۋ ورنىنىڭ بىرىندە الپينيزم بويىنشا سەكسيا اشىلدى. جالپى، الماتى تاۋلى ايماق بولعاسىن، تاجىريبەسىز، دايىندىقسىز ءوز بەتىمەن تاۋعا شىعاتىندار كوپ. كەيىن قايعىلى جاعدايلارعا تاپ بولىپ جاتادى. بۇل ماسەلەگە كوبىرەك كوڭىل ءبولۋ كەرەك»، - دەيدى ق ر الپينيزم جانە سپورتتىق تاۋعا ورمەلەۋ فەدەراسياسىنىڭ جوبالىق كەڭسە جەتەكشىسى گۇلزيرا اتابايەۆا.