قازاقستاندا دارى-دارمەكتەردى تاڭبالاۋ جۇيەسى ەنگىزىلگەن ساتتەن باستاپ ءتورت ايدىڭ ىشىندە تاڭبالاۋ كودتارى پرەپاراتتاردىڭ 66،2 ملن. قاپتاماسىنا جازىلدى.
ونىڭ ىشىندە 39،3 ملن. قاپتاما يمپورتتىق پرەپاراتتاردىڭ ۇلەسىنە تيەسىلى، 29،4 ملن.قاپتاما – وتاندىق ءوندىرىس، ءقازىر اينالىمدا 28،5 ملن. دارىلىك قاپتاما بار، دەپ حابارلايدى aqshamnews.kz سالا مينيسترلىگىنە سىلتەمە جاساپ.
تاڭبالاۋ دارى-دارمەك نارىعىنىڭ تولىق اشىقتىعىن قامتاماسىز ەتۋگە جانە ءوندىرىس كەزەڭىنەن باستاپ سوڭعى تۇتىنۋشىعا دەيىن پرەپاراتتىڭ ءاربىر قاپتاماسىنىڭ تولىق ومىرلىك سيكلىن باقىلاۋعا مۇمكىندىك بەرەدى. بۇل كولەڭكەلى نارىق ۇلەسىن ازايتۋعا، جالعان ءونىمنىڭ اينالىمىن قوسپاعاندا، قاۋىپسىزدىك پەن ساپا كەپىلدىگىمەن پاسيەنتكە باعدارلانعان دارىلىك قامتاماسىز ەتۋ جۇيەسىن قۇرۋعا مۇمكىندىك بەرەدى.
سونىمەن قاتار، تاڭبالاۋ جۇيەسى دارى-دارمەكتەردى ۇتىمدى پايدالانۋعا جانە ساتىپ الۋدى جوسپارلاۋعا اسەر ەتىپ، بيۋدجەت قاراجاتىن ەداۋىر ۇنەمدەۋگە اكەلۋى كەرەك.