دەنساۋلىق ساقتاۋ ءمينيسترى اقمارال ءالنازاروۆا 2025 جىلدان باستاپ ەرلەرگە ارنالعان مەديسينالىق سكرينينگتىڭ باستالاتىنىن ءمالىم قىلدى.
ءمينيستردىڭ ايتۋىنشا، كوپتەگەن ەرەسەكتەر ءۇشىن مۇگەدەكتىكتىڭ نەگىزگى سەبەپتەرى – جۇرەك-قان تامىرلارى اۋرۋلارى مەن ونكولوگيا، دەپ حابارلايدى aqshamnews.kz.
«كەلەسى جىلى ءبىز 50 جاستان اسقان ەر ادامداردا ينفاركت پەن ينسۋلت ءقاۋپى جوعارى توپتاردا جۇرەك-قان تامىرلارى ءقاۋپىن ەرتە انىقتاۋ جوباسىن باستايمىز. نەعۇرلىم ەرتە انىقتالسا، اسقىنۋلاردىڭ الدىن الۋ جانە دەنساۋلىقتى ساقتاۋ مۇمكىندىگى سوعۇرلىم جوعارى بولماق»، دەدى مينيستر.
ۆەدومستۆو باسشىسىنىڭ ايتۋىنشا پروفيلاكتيكاعا نازار اۋدارۋ جانە تۇراقتى تەكسەرۋلەر عانا كوپتەگەن اۋرۋلاردىڭ الدىن الۋعا سەپتىگىن تيگىزەدى.
«سكرينينگتەن وتىڭىزدەر، دەنساۋلىقتارىڭىزدى ساقتاڭىزدار. بۇل – سىزدەردىڭ ءال-اۋقاتتارىڭىزعا جانە وتباسىلارىڭىزدىڭ بولاشاعىنا قوسقان ۇلەستەرىڭىز. دارىگەرلەردىڭ ەڭبەگى مەن سىزدەردىڭ دەنساۋلىقتارىڭىزعا نازار اۋدارۋلارىڭىزدىڭ ارقاسىندا ءبىز ورتاق ماقساتقا – ساۋ جانە بەلسەندى قوعامعا بارامىز. دەنساۋلىق – ءبىز بىرگە كۇتەتىن قۇندىلىعىمىز ەكەنىن ەستە ساقتاۋ ماڭىزدى»، دەدى اقمارال ءالنازاروۆا.