شەتەلدىكتەرگە قازاقستاندا تۇرۋعا رۇقسات بەرۋ تارتىپتەرى وزگەرمەك

تالقىلاۋ 22 قاراشاعا دەيىن 

ق ر ىشكى ىستەر مينيسترلىگى شەتەلدىكتەر مەن ازاماتتىعى جوق ادامدارعا قازاقستاندا ۋاقىتشا جانە تۇراقتى تۇرۋعا رۇقسات بەرۋ قاعيدالارىنا وزگەرىستەر ەنگىزۋدى ۇسىندى. ءتيىستى بۇيرىق «اشىق نقا» سايتىندا جاريالاندى، دەپ حابارلايدى Almaty-akshamy.kz.
قۇجات «ادام ساۋداسىنىڭ قۇربانى» جانە «پانا ىزدەگەن ادام» تەرميندەرىمەن تولىققان.

«ادام ساۋداسىنىڭ قۇرباندارىنا جانە پانا ىزدەگەن ادامدارعا قاتىستى قابىلداۋشى تاراپ جەرگىلىكتى اتقارۋشى ورگاندار بولىپ تابىلادى. ۋاقىتشا تۇرۋعا رۇقسات ۇزارتۋ مۇمكىندىگىمەن التى ايعا رەسىمدەلەدى، ءبىراق ءۇش ايدان اسپايدى»، - دەلىنگەن قۇجاتتا.

ال تۇراقتى تۇرۋعا رۇقسات الۋ ءۇشىن ىشكى ىستەر ورگاندارىنا جۇگىنىپ، ءتيىستى قۇجاتتارى مەن ءوتىنىم بەرگەن يمميگراتتارعا تالاپتارعا سايكەس كەلگەن جاعدايدا 90 كۇننەن اسپايتىن مەرزىمگە ۋاقىتشا تۇرۋعا رۇقسات بەرىلەدى.
قىزمەت بابىمەن قازاقستانعا كەلەتىن شەتەلدىكتەرگە ۋاقىتشا تۇرۋعا رۇقسات بەلگىلەنگەن مەرزىمگە رەسىمدەلەدى. ەگەر ونى ۇزارتاتىن بولسا، جالپى ەلدە بولۋ ۋاقىتى 1 جىلدان اسپاۋى ءتيىس.
سونىمەن قوسا، جاڭا وزگەرىسكە سايكەس، گۋمانيتارلىق ماقساتتار بويىنشا كوشىپ كەلۋشىلەرگە ۋاقىتشا تۇرۋعا رۇقسات جەرگىلىكتى اتقارۋشى ورگانداردىڭ قولداۋحاتى نەگىزىندە ۇزارتۋ قۇقىعىمەن 90 كۇنگە بەرىلەدى.
بۇيرىقتى اشىق تالقىلاۋ 22 قاراشاعا دەيىن جالعاسادى.
ەسكە سالايىق، بۇعان دەيىن دەپۋتاتتار ساۋالىنا جاۋاپ بەرگەن پرەمەر-مينيستر ءاليحان سمايىلوۆ رەسەي ازاماتتارىنىڭ قازاقستانعا كەلىپ-كەتۋى قالىپتى دەڭگەيگە ورالعانىن اتاپ وتكەن بولاتىن.