ق ر ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ، مادەنيەت جانە اقپارات، سيفرلىق دامۋ جانە اەروعارىش ونەركاسىبى مينيسترلىكتەرىنىڭ ۇسىنىستارى نەگىزىندە شەتەلدىكتەردىڭ قازاقستان رەسپۋبليكاسىندا تۇراقتى تۇرۋعا رۇقسات الۋى ءۇشىن تالاپ ەتىلەتىن كاسىپتەر تىزبەسىن 30 جاڭا كاسىپپەن تولىقتىردى.
سالالىق مەملەكەتتىك ورگاندار ۇسىناتىن تولىقتىرۋلاردى ەسكەرە وتىرىپ، تىزبە دەنساۋلىق ساقتاۋ، جاراتىلىستانۋ عىلىمدارى، وڭدەۋ ونەركاسىبى، IT-تەحنولوگيالار، يننوۆاسيالار جانە اەروعارىش ونەركاسىبى جانە باسقا دا سالالاردا سۇرانىسقا يە 51 كاسىپتى قامتيدى.
تىزبەدە كوزدەلگەن كاسىپتەرى بار شەتەلدىكتەر ىشكى ىستەر ورگاندارىندا 10 جىلعا نەمەسە پاسپورتتىڭ قولدانىلۋ مەرزىمىنە وڭايلاتىلعان تارتىپپەن تۇرۋعا ىقتيارحات رەسىمدەي الادى.
جاڭارتىلعان تىزبە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەلەكتروندىق باقىلاۋ بانكىندە العاش رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ كۇشىنە ەنەدى.
تىزبەدەگى جاڭا ماماندىقتار:
انەستەزيولوگ-رەانيماتولوگ؛
دارىگەر اكۋشەر-گينەكولوگ؛
دارىگەر-پەدياتر؛
ساۋلەلىك دياگنوستيكا دارىگەرى؛
باعدارلامالىق قامتىلىمدى ازىرلەۋشى؛
باعدارلامالىق ونىمدەردى قولداۋ جونىندەگى مامان؛
ءموبيلدى قوسىمشانى ازىرلەۋشى؛
كومپيۋتەرلىك ويىنداردى ازىرلەۋشى؛
جاساندى ينتەللەكت ينجەنەرى؛
ۇلكەن دەرەكتەرمەن جۇمىس جونىندەگى مامان؛
اقپاراتتىق جۇيەلەر ساۋلەتشىسى؛
قولدانبا باعدارلاماشىسى؛
اقپاراتتىق-كوممۋنيكاسيالىق تەحنولوگيالار سالاسىنداعى بيزنەس-تالداۋشى؛
باعدارلامالىق قامتىلىم ديزاينەرى؛
اقپاراتتىق-كوممۋنيكاسيالىق تەحنولوگيالار جوبالارىنىڭ مەنەدجەرى؛
اقپاراتتى قورعاۋ ينجەنەرى؛
بۇلتتىق ەسەپتەۋلەر بويىنشا مامان؛
اۆتوماتتاندىرۋ ينجەنەرى؛
World Wide Web-ازىرلەۋشى؛
باعدارلاماشى-تالداۋشى؛
جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ سالاسىنداعى اقپاراتتىق-تەحنولوگيالىق جانە باعدارلامالىق قامتاماسىز ەتۋ جونىندەگى وقىتۋشى، دوسەنت، پروفەسسور
اقپاراتتىق قاۋىپسىزدىك جونىندەگى مامان؛
سەرۆەر اكىمشىسى؛
قولدانبا ازىرلەۋشىسى؛
اقپاراتتى قورعاۋ جونىندەگى مامان؛
گرافيكالىق ديزاينەر؛
گرافيكالىق انيماسيا تەحنيكاسى؛
سۋرەتشى-يلليۋستراتور؛
دىبىس ينجەنەرى؛
بەينە مونتاجەر.
تىزبەنىڭ تولىق تىزىمىمەن https://adilet.zan.kz/kaz/docs/V2400034336 سىلتەمەسى بويىنشا تانىسۋعا بولادى.