مەملەكەت باسشىسى قازاقستان حالقى اسسامبلەياسىنىڭ ءحححىV سەسسياسىندا سويلەگەن سوزىندە شەتەلدىك ۇكىمەتتىك ەمەس ۇيىمداردىڭ كەيبىر ارەكەتتەرى اشكەرەلەنگەنىن اتاپ ءوتتى. ولاردىڭ تۇپكى ماقساتى – قازاقستاننىڭ تۇراقتىلىعىنا قول سۇعۋ ەكەنىن جەتكىزدى.
"ولاردىڭ ارام نيەتى، اشكوزدىگى مەن قازاقستانعا جانى اشىمايتىنى انىق كورىندى"، – دەدى پرەزيدەنت.
سونىمەن قاتار، بەلگىلى قازاقستاندىق گرانت الۋشىلاردىڭ دا كولەڭكەلى ارەكەتتەرى اشكەرە بولعانى ايتىلدى. بۇل جايت قوعام مەن بيلىكتىڭ شىنايى سەرگەك بولۋى قاجەتتىگىن كورسەتەدى.
قاسىم-جومارت توقايەۆ قازاقستاننىڭ ىشكى ماسەلەلەرىن تەك ۇلتتىق مۇددە مەن وتاندىق زاڭناما شەڭبەرىندە شەشەتىنىن ناقتى ايتتى.
"قازاقستاندا پروبلەما جوق دەمەيمىز. ارينە، باسقا ەلدەردەگىدەي بىزدە دە تۇيتكىلدەر بار. ءبىراق ءبىز ونى الدەكىمدەردىڭ ادىستەمەسىمەن ەمەس، ءوزىمىزدىڭ ۇلتتىق مۇددەمىز بەن زاڭناما اياسىندا شەشەمىز"، – دەدى ول.