بۇگىندە Astana Hub حالىقارالىق تەحنوپارك اۋماعىندا 70-تەن استام شەتەلدىك كومپانيا تىركەلگەن.
ءتۇرلى ەلدەن كەلگەن بىلىكتى ماماندار ءوز تاجىريبەلەرىمەن ءبولىسىپ جاتىر. مامانداردىڭ ايتۋىنشا، قازاقستاندا بارلىق جاعداي جاسالعان.
«وسى جاققا كەلمەس بۇرىن مەملەكەتپەن بەينەروليك ارقىلى تانىستىق. ءزاۋلىم عيماراتتاردى ءوز كوزىمىزبەن كورگەنىمىزدە تاڭ قالعانىمىزدى جاسىرا المادىق. تابيعاتى دا اسەم. قازاقستاندىق ارىپتەستەرمەن تەز ءتىل تابىسىپ كەتتىك. قازاقتار دا، بەلورۋستار سياقتى جىلى شىرايلى حالىق ەكەن»، - دەيدى IT مامان ەكاتەرينا لوپۋح.
ەكىجاقتى ءتيىمدى ىنتىماقتاستىق بارىسىندا كەلۋشى تاراپقا ءبىرقاتار جەڭىلدىكتەر قاراستىرىلعان. اتاپ ايتقاندا، ۆيزالىق جانە ەڭبەك رەجيمدەرى جەڭىلدەتىلەدى، جىلدامدىعى جوعارى ينتەرنەت، 5G جەلىسى مەن نەتۆوركينگ ۇسىنىلادى.