جول جوندەۋ جۇمىستارى جۇرگىزىلەدى
اۆتوجولداعى قوزعالىس تەك ءبىر كۇنگە عانا جابىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«نۇرتاس» ج ش س حابارلاۋى بويىنشا رەسپۋبليكالىق ماڭىزى بار «سارىوزەك-كوكتال» اۆتوجولىندا 45-68 شاقىرىم ۋچاسكەسىندە رەكونستۋكسيالىق جۇمىستاردىڭ جۇرگىزىلۋىنە بايلانىستى 2022 جىلعى 8 ءساۋىر كۇنى ساعات 9:00-دەن باستاپ 9 ءساۋىر كۇنى ارالىعىندا بۇرعىلاۋ-جارۋ جۇمىستارى جۇرگىزىلەتىن بولادى. وسىعان بايلانىستى اۆتوكولىك جولىنىڭ وسى ۋچاسكەسى اۆتوكولىكتىڭ بارلىق تۇرلەرى ءۇشىن جابىق بولادى»، - دەلىنگەن حابارلامادا.
الماتى وبلىسىنىڭ تج دەپارتامەنتى ازاماتتاردان وسى باعىتتا جول جۇرۋدەن باس تارتۋدى جانە ءوز باعىتىن الدىن الا تۇزەتۋدى، سونداي-اق 112 قىزمەتى بەرەتىن سمس حابارلامالاردى نازاردان تىس قالدىرماۋدى سۇرايدى.