جىل سوڭىنا دەيىن 5 شەتەل انيماسيالىق ءفيلمى قازاق تىلىنە اۋدارىلىپ كورەرمەندەرگە جول تارتادى.
بۇل تۋرالى مادەنيەت جانە اقپارات ءمينيسترى ايدا بالايەۆا ءمالىم ەتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«دۋبلياج بويىنشا جۇمىس جۇرگىزىلىپ جاتىر. مۋلتفيلمدەر اۋدارماسى جانە دۋبلياج كينونى قولداۋ ورتالىعىنىڭ بايقاۋى ارقىلى وتەدى. ءبىز وسى جىلى بىرنەشە رەت كونكۋرس جاريالادىق، وكىنىشكە قاراي، كومپانيالار حالىقارالىق كريتەرييلەرگە سايكەس كەلمەيدى. وتكەن سەنبىدە وسى يندۋستريا وكىلدەرىمەن كەزدەستىم. وسى ورايدا زاڭعا وزگەرىس ەنگىزۋ ماسەلەسىن پىسىقتاپ جاتىرمىز. ءقازىر ءبىز كينونى قولداۋ ورتالىعى ارقىلى 5 كومپانيا شەتەل بالالار انيماسيالىق فيلمدەرىن قازاق تىلىنە اۋدارىپ جاتىر»، - دەدى ايدا بالايەۆا ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ءمينيستردىڭ مالىمدەۋىنشە، كوپتەگەن دۋبلياج كومپانيالارىنىڭ ناقتى سەرتيفيكاتى جوق.
«ءقازىر جۇرگىزىلگەن كەلىسسوزدەر بارىسىندا وسى ماسەلەنى شەشەتىن بىرنەشە كومپانيا تابىلدى. جىل سوڭىنا دەيىن 5 انيماسيالىق فيلم پروكاتقا شىعادى»، - دەيدى ول.