ق ر ءىىم م.ەسبولاتوۆ اتىنداعى الماتى اكادەمياسىنىڭ باستىعى ايدار سايتبەكوۆ پاۆلوداردا كادەتتەرمەن كەزدەستى.
الماتى اكادەمياسىنىڭ باستىعى ايدار سايتبەكوۆپەن كەزدەسۋ وفيسەر بولۋدى ارماندايتىن مەكتەپ وقۋشىلارىنىڭ شىنايى قىزىعۋشىلىعىن تۋدىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قابانباي باتىر اتىنداعى “جاس سارباز” مامانداندىرىلعان مەكتەپ-ينتەرناتىنىڭ وقۋشىلارى قىزمەتكە بايلانىستى ءوز جوسپارلارىمەن ءبولىستى. ۆەدومستۆولىق وقۋ ورنىنىڭ باستىعى اكادەمياعا ءتۇسۋ شارتتارى تۋرالى ايتىپ، ىرىكتەۋدىڭ نەگىزگى كريتەرييى كانديداتتاردىڭ جەكە قاسيەتتەرى ەكەنىن اتاپ ءوتتى. ءتارتىپ، جاۋاپكەرشىلىك جانە مىندەت – وفيسەرلەر قاتارىنا قوسىلۋعا عانا ەمەس، سونىمەن قاتار جوعارى باسشىلىق قۇرامعا دەيىن تابىستى وسۋگە كومەكتەسەتىن قاسيەتتەر.
«ماعان سىزدەردىڭ بويلارىڭىزداعى پاتريوتتىق سەزىم مەن پوگونداعى ماماندىققا دەگەن قۇرمەتتەرىڭىز ۇنايدى. سىزدەردىڭ بىرەۋلەرىڭىز پوليسيا قىزمەتكەرى، بىرەۋىڭىز اسكەري قىزمەتكەر نەمەسە تج قىزمەتكەرى بولاسىزدار. ءار سالا بولعانىمەن، ماقساتتارىڭىز ءبىر بولماق. كادەت قاتارىنان وتكەننەن كەيىن سىزدەردىڭ وفيسەرلەردىڭ جولىن ابىرويمەن جالعاستىراتىندىقتارىڭىزعا سەنىمىم مول»، – دەدى اكادەميا باستىعى.
سونداي-اق اكادەميا باستىعى پاۆلودار قالاسىنىڭ ق ر ءىىم قاجك وقۋ ورتالىعىندا بولدى. وندا باستاپقى دايارلىق تىڭداۋشىلارى وقيدى. ال Toraighyrov University-دە پروفەسسور سايتبەكوۆتىڭ ءدارىسى ءوتتى. ساياسي عىلىم دوكتورى سيفرلاندىرۋ جاعدايىندا قۇقىقتىق اعارتۋ جانە قۇقىق بۇزۋشىلىقتاردىڭ الدىن الۋ تاقىرىبىن كوتەردى. بولاشاق زاڭگەرلەر العان اقپاراتتىڭ ماڭىزدىلىعىن اتاپ ءوتتى.
ءىىم الماتى اكادەمياسىندا كيبەرقىلمىسقا قارسى ءىس-قيمىل بويىنشا مامانداردى وقىتۋعا ارنالعان IT-الاڭ بەلسەندى دامىپ كەلەتىنىن اتاپ ءوتتى. بۇل كيبەرپوليگون، كيبەرلابوراتوريا، ولار جاڭا سيفرلىق رەسۋرستاردى پايدالانا وتىرىپ، ءارتۇرلى قىلمىس پەن قۇقىق بۇزۋشىلىقتارعا ءتيىمدى قارسى تۇرۋعا مۇمكىندىك بەرەدى.