اكتيۆتەردى قايتارۋ جونىندەگى جۇمىس شەڭبەرىندە ارناۋلى مەملەكەتتىك قور بۇگىندە 177 ملرد تەڭگەدەن استام اقشالاي قاراجاتپەن تولىقتىرىلدى، دەپ حابارلايدى aqshamnews.kz.
ءتىزىلىم سۋبەكتىلەرىمەن جاسالعان كەلىسىمدەردىڭ ناتيجەلەرى بويىنشا شامامەن 147 ملرد تەڭگە، پروسەستىك كەلىسىمدەرى بويىنشا 19 ملرد تەڭگە، اكتيۆتەردى وتكىزۋدەن 6 ملرد تەڭگەدەن استام، سوتتاردىڭ شەشىمدەرى بويىنشا شامامەن 5 ملرد تەڭگە جانە جىلجىمايتىن مۇلىكتى جالعابەرۋدەن 165 ملن تەڭگەدەن استام قاراجات ءتۇستى.
وتكىزىلگەن اكتيۆتەردىڭ ىشىندە ەكى ۆيللا، اكىمشىلىك عيمارات، تۇرعىن ءۇي، پاتەر، جەر ۋچاسكەسىجانە ەكى ءساندى اۆتوكولىك بار. اكتيۆتەردى تابىستى وتكىزۋدىڭ ءبىر مىسالى بولىپ الماتى قالاسىنداعى جەر ۋچاسكەسى تابىلادى، ول «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ سۋبەكتىسىنەن 176 ملن تەڭگە باعامەن قابىلدانىپ، 657 ملن تەڭگەگە، ياعني باستاپقى باعالاۋ قۇنىنان ءتورت ەسە ارتىق ساتىلعان. سونىمەن قاتار، ءتىزىلىم سۋبەكتىلەرىمەن كەلىسىمدەر بويىنشا ارناۋلى مەملەكەتتىك قوردى 150 ملرد تەڭگەدەن استام سوماعا اقشالاي قاراجاتپەن قوسىمشا تولىقتىرۋ كۇتىلۋدە. بارلىق قايتارىلعان اقشا قاراجاتى ەلدىڭ الەۋمەتتىك جانە ەكونوميكالىق جوبالارىن ىسكە اسىرۋ ءۇشىن پايدالانىلاتىن بولادى.