شەتەلدىك كولىكتەردى زاڭسىز تىركەيتىن قىلمىستىق توپ بيۋدجەتكە 1 ملرد تەڭگەگە زالال كەلتىرگەن
قىلمىستىق توپتىڭ قۇرامىنا «ازاماتتارعا ارنالعان ۇكىمەت» كەاق قىزمەتكەرلەرى مەن ازاماتتىق تۇلعالاردان تۇراتىن ادامدار كىرگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قىلمىستىق توپ وسى جىلدىڭ قاڭتار ايىنان باستاپ ازاماتتاردى شەتەلدىك اۆتوكولىكتەردى ەسەپكە قويۋدىڭ زاڭدىلىعىنا قاتىستى الداۋ ارقىلى ءوز قىزمەتتەرىن ۇسىنا وتىرىپ، ولاردىڭ اقشالاي قاراجاتىن ۇرلاپ، 486 كولىك قۇرالىن زاڭسىز تىركەگەنى انىقتالدى. ءاربىر اۆتوكولىك ءۇشىن زاڭسىز قىزمەتتىڭ قۇنى 400 مىڭ تەڭگەدەن 1،6 ملن تەڭگەگە دەيىن بولعان. قاجەتتى اقشانى العاننان كەيىن كۇدىكتىلەر اۆتوكولىكتەردى ساتىپ الۋ-ساتۋ مامىلەلەرىنىڭ جازباشا فورماسىن، مەملەكەتتىك نومىرلەر مەن كولىك قۇرالدارىن تىركەۋ تۋرالى كۋالىكتەردى دايىنداعانى ءۇشىن مەملەكەتتىك باج تولەنگەنى تۋرالى تۇبىرتەكتەردى قولدان جاساعان. ۇقت قىزمەتى، ونىڭ ىشىندە ىشكى ىستەر ورگاندارىنىڭ مەملەكەتتىك اۆتوينسپەكتورلارىنىڭ «Web-مودۋل» سەرۆيستىك ورتالىعى» اقپاراتتىق جۇيەسىندە بۇرىن كادەگە جاراتىلعان اۆتوماشينالار تۋرالى مالىمەتتەردى قاساقانا زاڭسىز جويۋى جانە ولاردىڭ ورنىنا جاڭادان اكەلىنگەن اۆتوموبيلدەردىڭ مالىمەتتەرىن ەنگىزۋ سالدارىنان جۇزەگە اسقان. سوتتىڭ سانكسياسىمەن ءتورت پوليسيا قىزمەتكەرى قاماۋعا الىندى»، - دەلىنگەن اگەنتتىك حابارلاماسىندا.
مەملەكەتتىك باجدار مەن تولەمدەردى تولەۋگە ارنالعان ازاماتتاردىڭ اقشالاي قاراجاتىن كۇدىكتىلەر ۇرلاپ، جەكە قاجەتتىلىكتەرىنە جۇمسادى.
اتالعان ادامداردىڭ قىلمىستىق ارەكەتى ناتيجەسىندە ازاماتتار مەن مەملەكەتكە 1 ملرد تەڭگەگە تولەنبەگەن مەملەكەتتىك باجدار مەن الىمدار تۇرىندە زالال كەلتىرىلدى. بۇگىنگى كۇنى ءىس بويىنشا قىلمىستىق توپتىڭ تاعى 4 بەلسەندى قاتىسۋشىسى، ونىڭ ىشىندە استانا قالاسى بويىنشا №2 ارنايى حقكو باسشىسى ۇستالعان.