التاي كولگىنوۆ قازاقستاننىڭ پرەمەر-مينيسترىنىڭ ورىنباسارى بولدى.
مەملەكەت باسشىسىنىڭ جارلىعىمەن التاي سەيدىر ۇلى كولگىنوۆ قازاقستان رەسپۋبليكاسى پرەمەر-مينيسترىنىڭ ورىنباسارى لاۋازىمىنا تاعايىندالدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
التاي كولگىنوۆ 1978 جىلى 15 قاڭتاردا دۇنيەگە كەلدى.
ياساۋي اتىنداعى حالىقارالىق قازاق-تۇرىك ۋنيۆەرسيتەتىن، قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن، «بولاشاق» باعدارلاماسى بويىنشا ۇلىبريتانيانىڭ ابەردين ۋنيۆەرسيتەتىن بىتىرگەن.
قاناتبەك جايساڭبايەۆ پرەزيدەنت كومەكشىسى، ءبولىم مەڭگەرۋشىسى بولىپ تاعايىندالدى.
قاناتبەك جايساڭبايەۆ پرەزيدەنت كومەكشىسى – پرەزيدەنت اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى بولىپ تاعايىندالدى، دەپ حابارلايدى قازاقپارات اقورداعا سىلتەمە جاساپ.
«قاناتبەك باقىت ۇلى جايساڭبايەۆ قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەڭگەرۋشىسى لاۋازىمىنان بوساتىلسىن»، - دەلىنگەن مەملەكەت باسشىسى قاسىم-جومارت توقايەۆتىڭ جارلىعىندا.
قاسىم-جومارت توقايەۆتىڭ تاعى ءبىر جارلىعىمەن پرەزيدەنت اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەڭگەرۋشىسى قىزمەتىنە عابيدۋللا ابدۋللا ۇلى وسپانقۇلوۆ تاعايىندالدى.
ەرنار باسپايەۆ پرەزيدەنت اكىمشىلىگى باسشىسىنىڭ ورىنباسارى بولدى.
مەملەكەت باسشىسى قاسىم-جومارت توقايەۆتىڭ جارلىعىمەن ەرنار جەڭىس ۇلى باسپايەۆ ق ر پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى، دەپ حابارلايدى قازاقپارات اقورداعا سىلتەمە جاساپ.
ەرنار باسپايەۆ قازاقستان رەسپۋبليكاسى پرەزيدەنتىنىڭ كومەكشىسى – ق ر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى لاۋازىمىنان بوساتىلدى.
ەسكە سالايىق، پرەزيدەنت اكىمشىلىگى باسشىسىنىڭ ورىنباسارى بولعان مالىك مىرزالين بۇگىن لاۋازىمىنان بوساتىلىپ، قازاقستاننىڭ گرۋزياداعى ەلشىسى قىزمەتىنە تاعايىندالدى.
ەرنار باسپايەۆ 1979 جىلى تۋعان. قازاق مەملەكەتتىك زاڭ اكادەمياسىن، ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن، رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن. ماماندىعى بويىنشا زاڭگەر، ەكونوميكا جانە بيزنەس باكالاۆرى، ىسكەرلىك اكىمشىلەندىرۋ ماگيسترى.