شەتەلدەگى قازاقتار ەلىمىزدە تەگىن تەحنيكالىق جوعارى ءبىلىم الا الادى

ۇمىتكەرلەر قۇجاتتارىن 1 مامىرعا دەيىن وتكىزۋى قاجەت.

شەتەلدەگى ەتنيكالىق قازاقتار، سونداي-اق ءبىرقاتار ەلدىڭ ازاماتتارى قازاقستاندا تەگىن نە جەڭىلدىكپەن تەحنيكالىق ءبىلىم الا الادى. مۇنداي مۇمكىندىكتى قازاق-بريتان تەحنيكالىق ۋنيۆەرسيتەتى ۇسىنىپ وتىر، دەپ حابارلايدى اlmaty-akshamy.kz "وتانداستار" قورىنا سىلتەمە جاساپ.

باعدارلاما اياسىندا كەز-كەلگەن ەلدە تۇراتىن ەتنيكالىق قازاقتارعا باكالاۆريات بويىنشا 2 جانە ماگيستراتۋرا بويىنشا 2 گرانت ۇسىنىلادى. بۇدان بولەك، قازاق جاستارى 50 پايىز جەڭىلدىك بويىنشا 8 گرانتقا ءۇمىت ارتا الادى (باكالاۆريات – 4 جانە ماگيستراتۋرا – 4).

سونداي-اق، ءدال وسىنداي مولشەردەگى گرانتتار مەن جەڭىلدىكتەر تمد ەلدەرى، گرۋزيا جانە ۋكراينانىڭ ازاماتتارىنا جانە تاعى دا وسى مولشەردەگى گرانتتار مەن جەڭىلدىكتەر موڭعوليا، پاكىستان، ءۇندىستان جانە تۇركيا ازاماتتارىنا ۇسىنىلىپ وتىر. ەسكە سالايىق، سوڭعى اتالعان ەكى ەلدەردىڭ توبىنداعى ەتنيكالىق قازاقتار دا بۇل گرانتتاردىڭ بايقاۋىنا قاتىسا الادى.

باعدارلاما ەكى كەزەڭدە وتەدى. 1 ناۋرىز – 1 مامىر ارالىعىندا ۇمىتكەرلەردەن قۇجاتتار قابىلداناتىن بولسا، ەكىنشى كەزەڭدە 31 مامىرعا دەيىن سوزىلاتىن ەكىنشى كەزەڭدە سۇحباتتاسۋ شارالارى وتەدى.
گرانتتار تۋرالى قازاق-بريتان تەحنيكالىق ۋنيۆەرسيتەتىنىڭ رەسمي سايتىنان تولىعىراق وقىپ بىلۋگە بولادى.