باس پروكۋروردىڭ ورىنباسارى عالىمجان قويگەلدييەۆ ءبىر مىڭعا جۋىق قازاقستاندىق شەتەلدە جازاسىن وتەپ جاتقانىن ايتتى، - دەپ حابارلايدى aqshamnews.kz ءتىلشىسى.
بۇگىن سەناتتىڭ جالپى وتىرىسىندا دەپۋتاتتار شەتەلدە سوتتالعان قازاقستان ازاماتتارىنىڭ ءوز ەلىندە جازاسىن وتەۋگە باس تارتۋى سەبەپتەرىن سۇرادى.
بۇل تۇرعىدا قويگەلدييەۆ سوتتالعان ادامدى ەلىمىزگە الىپ كەلۋ ءۇشىن ونىڭ كەلىسىمى بولۋى كەرەك ەكەنىن ايتتى.
"كەلىسىمى بولماسا، ونى ماجبۇرلەپ اكەلە المايمىز. ونداي مىسالدار بىزدە بار. ءقازىر 958 قازاقستاندىق شەتەلدە جازاسىن وتەپ جاتىر. ولاردىڭ كوبى، ياعني 700-دەن استامى رەسەيدە. سونىڭ اراسىندا قازاقستاندا قالعان جازاسىن وتەگىسى كەلمەيتىندەر بار. سەبەبى بۇل سوتتالعانداردىڭ سول ەلدەردە تۋىستارى مەن وتباسى تۇرىپ جاتىر"، - دەدى باس پروكۋروردىڭ ورىنباسارى.