بۇل تۋرالى مينيستر تامارا دۇيسەنوۆا مالىمدەدى.
ەڭبەك جانە حالىقتى الەۋمەتتىك قورعاۋ مينيسترلىگى ەلدەگى بارلىق 116 مەديسينالىق-الەۋمەتتىك مەكەمەگە تەكسەرىس جۇرگىزۋدى جوسپارلاپ وتىر، دەپ حابارلايدى Almaty-akshamy.kz
ەڭبەك ءمينيسترىنىڭ ايتۋىنشا، مۇگەدەكتىگى بار ادامدار بار وتباسىلار ءۇشىن ارناۋلى الەۋمەتتىك قىزمەتتەردىڭ قولجەتىمدىلىگىن قامتاماسىز ەتۋ جونىندە شارالار قابىلدانادى. وسى ماقساتتا الەۋمەتتىك قىزمەت كورسەتۋ جۇيەسىن ترانسفورماسيالاۋ جوسپارلانىپ وتىر.
«ءبىرىنشىسى – بارلىق 116 مەديسينالىق-الەۋمەتتىك مەكەمەگە ارنايى قىزمەت كورسەتۋ ستاندارتتارىنىڭ ساقتالۋىنا تەكسەرىس جۇرگىزىلەدى. ولاردىڭ قورىتىندىسى بويىنشا ءوڭىر اكىمدەرىمەن بىرلەسىپ فۋنكسيونالدىق جانە ۇيىمداستىرۋشىلىق سيپاتتاعى شارالار قابىلدانادى»، - دەدى دۇيسەنوۆا مينيسترلىكتىڭ كەڭەيتىلگەن القا وتىرىسىندا.
ەكىنشىسى – سىيىمدىلىعى از ۇيلەردى، اسىرەسە، اۋىلداعى ۇيلەردى قولداۋ جانە دامىتۋ. بۇگىنگى تاڭدا وسىنداي 20 ءۇي جۇمىس ىستەيدى، ولاردىڭ بازاسىندا ارناۋلى الەۋمەتتىك قىزمەت كورسەتۋدىڭ جان باسىنا شاققانداعى نورماتيۆتەرى سىناقتان وتكىزىلەدى. پيلوتتىڭ قورىتىندىسى بويىنشا جاڭا تاريفتەۋ جۇيەسى دايىندالادى.
ءۇشىنشىسى – قۇرالدار نەمەسە تاۋارلاردىڭ جەكەلەگەن تۇرلەرىن كەزەڭ-كەزەڭىمەن مونەتيزاسيالاۋ باستالادى.
«وبلىس ورتالىقتارى دەڭگەيىندە قىمبات جانە زاماناۋي تەحنيكالىق كومپەنساتورلىق قۇرالدارعا تەڭ قولجەتىمدىلىكتى قامتاماسىز ەتۋ ءۇشىن تەحنيكالىق قۇرالدار پاركتەرى قۇرىلادى. جوبا "قازاقستان حالقىنا" قورىنىڭ قولداۋىمەن ىسكە اسادى»، - دەدى مينيستر.
ءتورتىنشى قادام – مۇگەدەكتىگى بار ادامداردى قوعامعا تەز ينتەگراسيالاۋ ءۇشىن 12 وڭالتۋ ورتالىعىن سالۋ جوسپارلانىپ وتىر.
«بيىل سەمەي جانە كەنتاۋ قالالارىندا وڭالتۋ ورتالىقتارى پايدالانۋعا بەرىلەدى. ولار 1 شىلدەدەن باستاپ العاشقى قىزمەت الۋشىلاردى قابىلدايدى»، - دەپ مالىمدەدى ۆەدومستۆو باسشىسى.
سونداي-اق بيىل 1 اقپاننان باستاپ الەۋمەتتىك قىزمەتتەر پورتالىنىڭ جاڭا فورماتى جۇزەگە اسادى. ءمينيستردىڭ ايتۋىنشا، پورتالدا تاۋارلار مەن قىزمەتتەردىڭ پارامەترلەرى تۋرالى تولىق اقپارات ۇسىنىلادى، جەتكىزۋشىلەرگە جانە تاۋار ساپاسىنا جاڭا ءارى قاتاڭ تالاپتار قويىلادى.
بۇدان بولەك، مۇگەدەكتىگى بار ادامدارعا پورتال ارقىلى جەتكىزۋشىلەردىڭ ىس-ارەكەتىنە شاعىمدانۋ مۇمكىندىگى بەرىلەدى.