«اتىراۋ-كۋتايسي» باعىتىنداعى حالىقارالىق اۋە رەيسىنە ءوتۋ بارىسىندا گرۋزيا ازاماتىنان 100 مىڭ اقش دوللارى مولشەرىندە قولما-قول اقشا انىقتالعان.
ونىڭ قول جۇگىندە 10 مىڭ اقش دوللارى، جول جۇگىندە 90 مىڭ اقش دوللارى مولشەرىندە جاسىرىلعان قاراجات بولعان. جاسىرىلعان اقشا زاڭ بۇزۋشىنىڭ جول جۇگىندە اتىراۋ وبلىستىق «اۋەجاي-اتىراۋ» كەدەن بەكەتىنىڭ قىزمەتكەرلەرىمەن كەدەندىك باقىلاۋ جۇرگىزۋ بارىسىندا انىقتالدى، دەپ حابارلايدى اlmaty-akshamy.kz.
باقىلاۋ شارالارى اتىراۋ وبلىسى بويىنشا شەكارا قىزمەتى جانە ەكونوميكالىق تەرگەپ-تەكسەرۋ دەپارتامەنتتەرىنىڭ قىزمەتكەرلەرىمەن بىرلەسىپ جۇرگىزىلگەن. زاڭ بۇزۋشى اكىمشىلىك جاۋاپكەرشىلىككە تارتىلعان. كۇشىنە ەنگەن سوت شەشىمىنە سايكەس، 90 مىڭ اقش دوللارى مەملەكەت پايداسىنا تاركىلەندى، قالعان 10 مىڭ اقش دوللارى گرۋزيا ازاماتىنا قايتارىلدى. سونداي-اق، ودان 40 اەك مولشەرىندە اكىمشىلىك ايىپپۇل وندىرىلگەن.
ەگەر ەاەو كەدەندىك اۋماعىنا ءبىر ۋاقىتتا اكەلۋ نەمەسە ەاەو كەدەندىك اۋماعىنان ءبىر ۋاقىتتا اكەتۋ كەزىندە مۇنداي قولما-قول اقشا قاراجاتىنىڭ نەمەسە جول چەكتەرىنىڭ جالپى سوماسى كەدەن ورگانىنا جولاۋشىلارعا ارنالعان كەدەندىك دەكلاراسيانى ۇسىنعان كۇنگە قولدانىستا بولاتىن ۆاليۋتا باعامى بويىنشا ون مىڭ اقش دوللارىنا بالامالى سومادان اسىپ كەتسە، قولما-قول اقشا قاراجاتى جانە (نەمەسە) جول چەكتەرى كەدەندىك دەكلاراسيالاۋعا جاتادى.
ق ر پرەزيدەنتىنىڭ 2022 جىلعى 14 ناۋرىزداعى №830 "قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ جونىندەگى شارالار تۋرالى" جارلىعىنا سايكەس 10 مىڭ اقش دوللارىنان اساتىن سومادا قولما-قول شەتەل ۆاليۋتاسىن اكەتۋگە تىيىم سالىنعانىن ەسكە سالامىز.