مەملەكەت باسشىسى قوستاناي وبلىسىنداعى سۋ تاسقىنىنا بايلانىستى جاعدايمەن تانىستى

سولتۇستىك قازاقستان وبلىسىنان كەيىن پرەزيدەنت بورتى قوستاناي وبلىسىنا ۇشىپ باردى

قاسىم-جومارت توقايەۆ وڭىردەگى قازىرگى احۋالمەن تانىسۋ ءۇشىن تىكۇشاقپەن سۋ باسقىن اۋماقتاردى ارالاپ كوردى، دەپ حابارلايدى اlmaty-akshamy.kz. 

وبلىس اكىمى قۇمار اقساقالوۆ سۋ تاسقىنىنا بايلانىستى وڭىردەگى التى ايماقتا توتەنشە جاعداي جاريالانعانىن ايتتى.

وبلىستاعى 492 اۋىلدىڭ 11ء-ى سۋ تاسقىنىنان زارداپ شەكتى. قازىرگى كەزدە جاعداي تۇراقتالدى. الايدا ءالى دە 51 ءۇي سۋ استىندا قالىپ وتىر. بۇدان بولەك، 4 كوپىردى، 7 جول ۋچاسكەسىن سۋ شايىپ كەتكەن، 1414 ەلەكتر باعانىنا نۇقسان كەلدى. ناتيجەسىندە قوستاناي مەن وبلىستىڭ وڭتۇستىگىندەگى اۋداندار اراسىندا كولىك قاتىناسى قيىنداپ، 13 ەلدى مەكەندى ەلەكترمەن قامتاماسىز ەتۋ ماسەلەسىندە تۇيتكىلدەر پايدا بولدى.

سونىمەن قاتار پرەزيدەنتكە وبلىستىڭ نەگىزگى گيدروتەحنيكالىق نىساندارىنىڭ، اتاپ ايتقاندا قاراتومار، جوعارعى توبىل جانە جەلقۋار سۋ قويمالارىنىڭ جاي-كۇيى جونىندە مالىمەت بەرىلدى. قۇمار اقساقالوۆ ەلدى مەكەندەر مەن ينفراقۇرىلىمدارعا تونەتىن ءقاۋىپتىڭ الدىن الۋ ءۇشىن سۋ قويمالارىنان جىبەرىلەتىن سۋ مولشەرى ۇدايى باقىلاۋدا ۇستالاتىنىن ايتتى.

جالپى، وڭىردەگى دامبالاردى بەكىتۋ، ينەرتتى ماتەريالداردى توگۋ ناتيجەسىندە توبىل قالاسىن، امانگەلدى اۋدانىنىڭ ورتالىعىن جانە باسقا دا ەلدى مەكەندەردى سۋ باسۋ قاۋپىنەن ساقتاپ قالۋ مۇمكىن بولعان.