شەمىشكەنىڭ پايدالى قاسيەتتەرى بار
بۇل تۋرالى ديەتولوگ دارىگەر، مەديسينا عىلىمدارىنىڭ دوكتورى ميحايل گينزبۋرگ ايتتى، دەپ حابارلايدى Almaty-akshamy.kz ءتىلشىسى.
ونىڭ ايتۋىنشا، ول جۇرەك، تەرى، تىرناق پەن شاش ءۇشىن پايدالى. سونىمەن بىرگە، قۇرامىندا ماگنيي كوپ بولعاندىقتان، شەمىشكە ورتالىق جۇيكە جۇيەسىن تىنىشتاندىرادى.
«سوڭعى كەزدەرى انىقتالعانداي، سەلەن - شاش، تەرى، تىرناق ءۇشىن عانا ەمەس، سونداي-اق، جۇرەك-قان تامىرلارى جۇيەسى ءۇشىن اسا ماڭىزدى مينەرال»، - دەپ ناقتىلادى ساراپشى رەسەي تەلەارنالارىنىڭ بىرىنە بەرگەن سۇحباتىندا.
ديەتولوگتىڭ سوزىنشە، كۇنباعىس مايىنىڭ قۇرامىنداعى ە دارۋمەنى تامىردىڭ ىشكى قابىرعالارىن اتەروسكلەروزدىق زاقىمدانۋدان قورعاۋعا كومەكتەسەدى.