بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى.
جىلدىڭ سوڭىنا قاراي دارىگەرلەر جالاقىسى ورتا ەسەپپەن 550 مىڭ تەڭگەدەن اسادى، ياعني قازاقستانداعى ورتاشا جالاقىدان 2،5 ەسە جوعارى بولادى، دەپ حابارلايدى Almaty-akshamy.kz.
ق ر دەنساۋلىق ساقتاۋ ءمينيسترى اجار عينياتتىڭ ايتۋىنشا، بۇگىنگى تاڭدا 8 جوعارى وقۋ ورنى رەسپۋبليكانىڭ ءبىلىم بەرۋ باعدارلامالارىنىڭ تىزىلىمىنە ەنگىزىلگەن 60-تان استام مەديسينالىق ماماندىق بويىنشا ءبىلىم بەرەدى.
«جىل وتكەن سايىن ماماندىقتىڭ بەدەلى ارتىپ، مەديسيناعا قىزىعۋشىلىق تانىتاتىن جاستار كوبەيىپ كەلەدى. مەديسينالىق جوعارى وقۋ ورىندارى جىل سايىن 9 مىڭنان استام مامان بىتىرەدى. 2021 جىلدان باستاپ دەنساۋلىق ساقتاۋ مينيسترلىگى گرانت قۇنىن ءوسىردى، بۇل مەديسينالىق جوعارى وقۋ ورىندارىنىڭ ماتەريالدىق-تەحنيكالىق بازاسىن جاقسارتۋعا ايتارلىقتاي اسەر ەتەدى. مەديسينا قىزمەتكەرلەرىنىڭ جالاقىسىن جىل سايىن، جۇيەلى تۇردە ارتتىرۋعا كوبىرەك كوڭىل بولىنۋدە. 2023 جىلعا قاراي دارىگەرلەر جالاقىسى ورتا ەسەپپەن 550 مىڭ تەڭگەدەن اسادى جانە قازاقستانداعى ورتاشا جالاقىدان 2،5 ەسە جوعارى بولادى»، - دەدى مينيستر.