اقتوبە وبلىسى مارتوك اۋدانىنداعى قيالى شەكارا زاستاۆاسىندا 22 جاستاعى ءماتجان جانەسەنوۆ كوز جۇمدى. وعان ارىپتەسى وق اتقان، دەپ حابارلايدى اlmaty-akshamy.kz.
اقتوبە گارنيزونىنىڭ اسكەري پروكۋراتۋراسىنىڭ حابارلاۋىنشا، وقيعا 2 جەلتوقسان كۇنى بولعان.
- ق ر ۇقك اقتوبە وبلىسى بويىنشا شەكارا قىزمەتى دەپارتامەنتىنىڭ «قيالى» شەكارا زاستاۆاسىندا كەلىسىمشارت بويىنشا ەڭبەك ەتەتىن اسكەري قىزمەتشى ارىپتەسىمەن جانجالداسىپ قالعان. سودان كەيىن وزىنە بەكىتىلگەن قارۋدان وق اتقان. جابىرلەنۋشى جەدەل جاردەم كولىگىندە قايتىس بولدى. اتالعان فاكتى بويىنشا باتىس وڭىرلىك اسكەري تەرگەۋ باسقارماسىنىڭ اقتوبە ءبولىمى قىلمىستىق كودەكستىڭ 99-بابى 1-بولىگى بويىنشا سوتقا دەيىنگى تەرگەۋدى باستادى. قىلمىستىق ءىس بويىنشا كۇدىكتى ۇستالدى. قازىرگى ۋاقىتتا تەرگەۋ امالدارى ءجۇرىپ جاتىر. باسقا مالىمەتتەر قپك 201-بابىنا سايكەس جاريالانبايدى، - دەپ حابارلادى اقتوبە گارنيزونىنىڭ اسكەري پروكۋراتۋراسى.
ايتا كەيىك، ءماتجان جانەسەنوۆ - اقتوبە وبلىسى بايعانين اۋدانىنىڭ تۋماسى.