ەلىمىزدە نەشە ەركەك ايەلىنىڭ تەگىن العان؟

ەرلى-زايىپتىنىڭ ەكەۋى دە ءبىر-بىرىنىڭ تەگىن الا الادى.

بيىل 164 ەر ادام جۇبايىنىڭ تەگىن ورتاق تەگى رەتىندە تاڭداعان، دەپ حابارلايدى Almaty-akshamy.kz

ءاربىر قازاقستاندىق 16 جاستان باستاپ اتىن، اكەسىنىڭ اتىن جانە تەگىن وزگەرتۋگە ءوتىنىش بەرە الادى.

زاڭنامادا مۇنداي قادامعا كەلەسى دالەلدى سەبەپتەر كورسەتىلگەن:

 - اتىنىڭ، اكەسىنىڭ اتىنىڭ، تەگىنىڭ ىڭعايسىزدىق تۋدىرۋى؛

 - اتىن، اكەسىنىڭ اتىن، تەگىن ايتۋ قيىندىعى؛

- ەگەر نەكەنى (ەرلى-زايىپتىلىقتى) مەملەكەتتىك تىركەۋ كەزىندە نەكەگە دەيىنگى تەگى قالسا نەمەسە جۇبايى (زايىبى) نەكەنى (ەرلى-زايىپتىلىقتى) مەملەكەتتىك تىركەگەننەن كەيىن تەگىن باسقاسىنا اۋىستىرسا، جۇبايىنىڭ (زايىبىنىڭ) جۇبايىمەن (زايىبىمەن) ورتاق تەگى بولۋعا تىلەگى؛

 - ەگەر نەكەنى (ەرلى-زايىپتىلىقتى) بۇزۋ كەزىندە بۇل تۋرالى مالىمدەلمەسە، نەكەگە دەيىنگى تەگىن الىپ جۇرۋگە نيەت؛

- بۇرىنعى نەكەدەن (ەرلى-زايىپتىلىقتان) بالالارمەن ورتاق فاميليا بولعانىن قالاۋ؛

- جۇبايى قايتىس بولعان جاعدايدا نەكەگە دەيىنگى فاميلياسىن الۋ نيەتى؛

 - جۇبايى قايتىس بولعان جاعدايدا جانە ەگەر ءوتىنىش بەرۋشى نەكەگە دەيىنگى فاميليادا بولسا، بالالارمەن ورتاق فاميليا بولۋىن قالاۋ؛

 - اتا-اناسىنىڭ بىرەۋىنىڭ (اتا-اناسىنىڭ ءارتۇرلى ۇلتى كەزىندە) ءوتىنىش بەرۋشى تاڭداعان ۇلتىنا سايكەس كەلەتىن اتىن جانە (نەمەسە) تەگىن الىپ جۇرۋگە تىلەك ءبىلدىرۋ؛

- قۇجاتتارداعى اتاۋدان وزگەشە ومىردە قالىپتاسقان ەسىمدى راسىمدەۋ نيەتى؛

 - ەگەر نەكەگە تۇرۋ (ەرلى-زايىپتىلىق) كەزىندە جۇبايىنىڭ تەگى قابىلدانسا، نەكەگە دەيىنگى تەگىن الىپ جۇرۋگە نيەت؛

 - ۇلتتىق ءداستۇر بويىنشا اكەسىنىڭ نەمەسە اتاسىنىڭ ەسىمىمەن فاميلياسىن العىسى كەلسە؛

- ءوتىنىش بەرۋشىنى ءىس جۇزىندە تاربيەلەگەن ادامنىڭ تەگى جانە اتى بويىنشا تەگىن جانە (نەمەسە) اكەسىنىڭ اتىن الۋعا نيەت بىلدىرسە؛

- جىنىسى حيرۋرگيالىق وزگەرگەن كەزدە تاڭدالعان جىنىسقا سايكەس كەلەتىن ەسىمدى، اكەسىنىڭ اتىن، تەگىن الۋعا نيەت ءبىلدىرۋ؛

 - اتا-اناسى نەمەسە قامقورشىلار بالانىڭ اتىن جانە/نەمەسە تەگىن وزگەرتۋگە ءوتىنىش بەرە الادى. بۇل جاعدايدا، ەگەر ول سول كەزدە ون جاستا بولسا، ونىڭ كەلىسىمى قاجەت.