الماتى وبلىسى قونايەۆ قالاسى سوتىنىڭ ءتوراعاسىنا قاتىستى قىلمىستىق ءىس تەرگەلىپ جاتىر.
الماتى وبلىسىندا ءۇش سۋديا جەمقورلىق جاسادى دەگەن كۇدىككە ءىلىندى، دەپ حابارلايدى Almaty-akshamy.kz سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
الماتى وبلىسى قونايەۆ قالاسى سوتىنىڭ ءتوراعاسى قىلمىس تۋرالى كىسى ولتىرۋدەن حابارلاماۋعا دەيىنگى ارەكەتتەردى قايتا سارالاۋ تۋرالى ماسەلەنى شەشۋ سىلتاۋىمەن ءىرى مولشەردە الاياقتىق جولمەن اقشا الدى دەپ كۇدىككە ىلىنگەن.
"سونداي-اق الماتى وبلىسى تالعار اۋداندىق سوتىنىڭ سۋدياسى ايتارلىقتاي مولشەردە پارا الدى دەگەن كۇدىككە ءىلىندى. ول سوت ورىنداۋشىسى ارقىلى كامەلەتكە تولماعانداردىڭ جىنىستىق تيىسپەۋشىلىگىنە قارسى اسا اۋىر قىلمىس جاساعان ادامعا قاتىستى مەديسينالىق سيپاتتاعى ماجبۇرلەۋ شارالارىنىڭ ءتۇرىن وزگەرتۋ تۋرالى وڭ شەشىم شىعارعانى ءۇشىن اقشالاي سىياقى العان"، - دەيدى ۆەدومستۆوداعىلار.
الماتى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسىنا دا قاتىستى قىلمىستىق ءىس قارالىپ جاتىر. انتيكوردىڭ حابارلاۋىنشا، ول كاسىپكەردەن ميللياردتاعان سالىق بەرەشەگى بار ەكى كومپانيانى بانكروت دەپ تانۋ تۋرالى زاڭسىز شەشىمدەر شىعارعانى ءۇشىن پارا الدى دەپ ايىپتالىپ جاتىر.