2024 جىلدىڭ ءساۋىر ايىندا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى قۇزىرلى ورگاندارمەن بىرلەسە وتىرىپ، شەكارالىق ايماقتا قازاقستان رەسپۋبليكاسىنىڭ زاڭناماسىن بۇزۋشى 3 186 ادامدى قۇرىقتادى، دەپ حابارلايدى اlmaty-akshamy.kz.
ونىڭ ىشىندە 38 شەتەلدىك شەكارانى بۇزسا، 29-ى بۇزۋعا ارەكەتتەنگەن، دەپ حابارلادى ۇلتتىق قاۋىپسىزدىك كوميتەتىنىڭ باسپا ءسوز قىزمەتى.
سونداي-اق، مەملەكەتتىك شەكارا ارقىلى زاڭسىز ءوتۋدىڭ 1342 فاكتىسىنە توسقاۋىل قويىلدى، ونىڭ ىشىندە:
- ەسىرتكى زاتتارى – 49 فاكتى، جالپى سالماعى – 780 كگ استام؛
- قارۋ، ءوق-دارى – 36 فاكت؛
- ءدىني ادەبيەت – 38 فاكت (842 دانا)؛
- جانار-جاعارماي ماتەريالدارى – جالپى سوماسى 12 ملن.تەڭگەدەن استام 341 فاكت (133 توننادان استام)؛
- تۇتىنۋ تاۋارلارى – جالپى سوماسى 3،4 ملرد تەڭگەدەن استام 744 فاكت؛
- ۆاليۋتا – جالپى سوماسى 1،5 ملرد تەڭگەدەن استام 134 فاكتى.
ۆەدومستۆودا اتالعان فاكتىلەر بويىنشا ماتەريالدار ءتارتىپ بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جولدانعانىن اتاپ ءوتتى.
2024 جىلدىڭ ءساۋىر ايىنىڭ سوڭىندا ۇقك قىزمەتكەرلەرى شەتەلدەن ەسىرتكى جەتكىزۋدىڭ حالىقارالىق ارناسىن جويدى.