قازاقستاندىق وقۋشىلار بالقان تۇبەگىندەگى ەڭ مىقتى جاس ماتەماتيكتەردىڭ ۇشتىگىنە كىردى

بولگاريانىڭ ۆارنا قالاسىندا ماتەماتيكادان 41ء-شى بالقان وليمپياداسى (BMO) اياقتالدى.

وعان 22 ەلدەن 130-دان استام وقۋشى قاتىستى. ءبىلىم دوداسىندا ءبىزدىڭ وقۋشىلارىمىز جالپى كوماندالىق ءۇشىنشى ورىندى جەڭىپ الدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ. 

ۇلتتىق قۇراما قورجىنىندا 1 التىن، 3 كۇمىس جانە 2 قولا بار.

التىن: جان داۋتوۆ — قوستاناي قالاسىنداعى «ءبىلىم-يننوۆاسيا» مەكتەپ-ليسەيىنىڭ 11 سىنىپ وقۋشىسى؛

كۇمىس: ءامىرلان امانجولوۆ — الماتى قالاسىنداعى رفمم 10 سىنىپ وقۋشىسى؛ ميرون يۋركيەۆيچ — الماتى قالاسىنداعى Haileybury Almaty حالىقارالىق مەكتەبىنىڭ 12 سىنىپ وقۋشىسى؛ مارعۇلان شارەل — تاراز قالاسىنداعى «ءبىلىم-يننوۆاسيا» مەكتەپ-ليسەيىنىڭ 10 سىنىپ وقۋشىسى؛

قولا: تيمۋر مۇرات — الماتى قالاسىنداعى رفمم 10 سىنىپ وقۋشىسى؛ ءامىر ساحيپوۆ – الماتى قالاسىنداعى رفمم 10 سىنىپ وقۋشىسى.

جەتەكشىلەرى - PhD دوكتورى، پروفەسسور، KBTUء-نىڭ اكادەميالىق سۇراقتار جونىندەگى پرورەكتورى اسىلبەك يساحوۆ جانە ماتەماتيكادان رەسپۋبليكالىق، حالىقارالىق وليمپيادالاردىڭ جۇلدەگەرى قانات ساتىلحانوۆ.

ايتا كەتسەك، قازاقستان قۇراما كومانداسىنىڭ ماتەماتيكادان 41ء-شى بالقان وليمپياداسىنا قاتىسۋى - بيىلعى جىلدىڭ 11-24 شىلدە ارالىعىندا ۇلىبريتانيادا وتەتىن ماتەماتيكادان حالىقارالىق وليمپياداعا (IMO) دايىندالۋ جانە تاجىريبە جيناقتاۋ بولىپ تابىلادى.