ەندى بانكتەر ازاماتتاردىڭ نەسيە جۇكتەمەسىنە قاراماي اۆتو كرەديت بەرۋى مۇمكىن.
بۇل جوبانى قارجى نارىعىن رەتتەۋ جانە دامىتۋ اگەنتتىگى ۇسىنىپ وتىر. قۇجات اشىق ۇكىمەت پورتالىنا تالقىلاۋعا شىعارىلدى. وندا 15 مامىرعا دەيىن پىكىر قالدىرۋعا بولادى. بۇل تالاپ 1 ءساۋىر مەن 31 جەلتوقساندى قوسا العانداعى كەپىلمەن جاڭا كولىك قۇرالىن ساتىپ الۋ ماقساتىندا بەرىلگەن نەسيەلەرگە قولدانىلمايدى، دەپ حابارلايدى Almaty-akshamy.kz.
دەسە دە، بۇل ماسەلەدە ساراپشىلاردىڭ پىكىرى ەكىگە جارىلىپ وتىر. ءبىرى اۆتونەسيەنى وڭدى-سولدى ۇلەستىرۋ بەيبەرەكەتسىزدىككە اكەلۋى مۇمكىن، - دەيدى. سەبەبى، ءقازىردىڭ وزىندە بانك الدىنداعى بەرەشەگىن 90 كۇننەن اسىرىپ العان 1،2 ميلليون قازاقستاندىق بار. ەندى ءبىرى بۇل وركەنيەتتى ەلدەردەگى بار تاجىريبە، سوندىقتان قولداۋعا بولاتىنىن ايتادى.
ساپارباي جوبايەۆ، ەكونوميست:
ميكرو كرەديتتىك ۇيىم نە بولماسا بانك، قارجى جۇيەسى ءاۆتومويۋيلدىڭ ءوزىن ساتىپ-اق ءوزىنىڭ بەرگەن اقشاسىن قايتارىپ الۋ مۇمكىندىگى بار دەگەن پىكىر وسى جەردە كەلىپ تۇر. مەن ويلايمىن، بۇل ادەتتەگى وركەنيەتتى ەلدەردە مۇنداي ءۇردىس بار. مۇنى قولداسا بولادى.
نۇرجان بياقايەۆ، تاۋەلسىز ساراپشى:
كولىكتىڭ 100 نەمەسە 200 تەڭگە تۇرمايتىنى انىق. ەرتەڭ ءبىر كۇن تولەي الماي قالساڭىز ءوسىمپۇل نەگىزگى سومانىڭ نەگىزىندە جۇرەدى. ەندى ەسەپتەپ كورىڭىز، تەمىر تۇلپارلاردىڭ ەڭ ارزانى 7،8،10 ميلليون تەڭگە تۇرادى. بۇل بانك پەن اۆتوموبيل وندىرۋشىلەر ءۇشىن عانا ءتيىمدى. بۇدان كەيىن پروبلەمالىق كرەديتتىڭ سانى ودان ءارى ارتپاسا، كەمىمەيدى.