ەۋروكوميسسيا شەگىرتكەدەن ازىرلەنگەن ونىمدەردى ساۋداعا شىعارۋعا رەسمي رۇقساتىن بەردى.
بۇل جايىندا islam.kz پورتالى euro_pulse اقپارات كوزىنە سىلتەمە جاساي وتىرىپ مالىمدەدى. ەندىگى جەردە تاياۋ بولاشاقتا ورىن الۋ ىقتيمالدىلىعى باسىم ازىق-تۇلىك تاپشىلىعىنىڭ الدىن الۋ ءۇشىن شارا اياسىندا اتالمىش جاندىكتەن جاسالعان ونىمدەر كەپتىرىلگەن، ۇساقتالىپ، ۇنتاققا اينالدىرىلعان نەمەسە مۇزداتىپ قاتىرىلعان تۇرلەرىندە تۇتىنۋشىلارعا جول تارتادى. بىرىككەن ۇلتتار ۇيىمىنىڭ ازىق-تۇلىك جانە اۋىل شارۋاشىلىق ونىمدەرى ۇيىمىنىڭ ماماندارى: «شەگىرتكە – اقۋىزعا، دارۋمەنگە، تاعى باسقا دا قورەكتىك زاتتارعا باي، تابيعي ءونىم»، – دەپ حابارلاپ وتىر.
«شەگىرتكەنى پروتەيننىڭ بالامالى كوزى رەتىندە پايدالانۋ ارقىلى جاھاندىق جىلىنۋعا سەبەپ بولىپ وتىرعان مال شارۋاشىلىعىنان بولىنەتىن پارنيكتى گازدىڭ مولشەرىن ازايتۋعا بولادى»، - دەيدى ۇيىم ماماندارى.
دايىنداعان اسەل داعجان.