Ultimate Fighting Championship (UFC) جارتىلاي ورتا سالماقتاعى فايتەرلەردىڭ جاڭارتىلعان رەيتينگىن جاريالادى. قازاقستاندىق فايتەر شاۆكات راحمونوۆ (18-0) ءوز ورنىن ساقتاپ، ۇزدىك ۇشتىكتە قالىپ وتىر. "نوماد" لاقاپ اتىمەن تانىمال راحمونوۆ، جەڭىلىسسىز رەكوردىن جالعاستىرۋدا.
ءبىرىنشى ورىنعا امەريكالىق كامارۋ ۋسمان جايعاسسا، ەكىنشى ورىنعا اقش-تىڭ تاعى ءبىر وكىلى بەلال مۋحامماد تابان تىرەدى. ءۇشىنشى ورىندا قازاقستاندىق شاۆكات راحمونوۆ تۇر.
رەتى كەلگەندە ايتا كەتەيىك، ۇلىبريتانيالىق لەون ەدۆاردس جارتىلاي ورتا سالماقتاعى چەمپيون اتانعان.
شاۆكات راحمونوۆ - قازاقستان اتىنان ارالاس جەكپە-جەككە قاتىساتىن بەلدى سپورتشى. ول وكتاگوننىڭ بارلىق جانكۇيەرلەرىن برازيليادان كەلگەن UFC ارداگەرى الەكس وليۆەيرانى جەڭىپ، تاڭ قالدىرعان ەدى.
بۇل جاڭالىق قازاقستاندىق سپورتشىلاردىڭ حالىقارالىق ارەنادا جوعارى دەڭگەيدە ونەر كورسەتىپ جاتقانىن دالەلدەيدى. شاۆكات راحمونوۆتىڭ كەلەسى جەكپە-جەگىن اسىعا كۇتەتىن جانكۇيەرلەر سانى كۇن ساناپ ارتۋدا.