ەلىمىزدىڭ ءاربىر وڭىرىندە جاستاردى ماۋسىمدىق جۇمىسپەن قامتۋعا باعىتتالعان «جاسىل ەل» جوباسى ءوز جۇمىسىن باستادى.
بيىل 33 مىڭنان استام جاستى ماۋسىمدىق جۇمىسپەن قامتۋ جوسپارلانعان، دەپ حابارلايدى Almaty-akshamy.kz El.kz اقپارات اگەنتتىگىنە سىلتەمە جاساپ.
جوبا اياسىندا جاستار ءوزىنىڭ تۇرعىلىقتى جەرىن كوگالداندىرۋعا قاتىسىپ، ەلىمىزدىڭ ەكولوگيالىق جاعدايىن جاقسارتۋعا ءوز ۇلەسىن قوسادى. سونىمەن قاتار، ماۋسىمدىق جۇمىسپەن قامتۋ جانە سۋ تاسقىنى بولعان ايماقتارعا كومەك كورسەتۋ ماقساتىندا «اۋىل» پارتياسى جانىنداعى «اۋىل جاستارى» جاستار قاناتى قۇرىلىس جاساقتارىن ىسكە قوستى.
قازىرگى ۋاقىتتا، سولتۇستىك قازاقستان وبلىسىندا 40-قا جۋىق جاس تابيعي اپاتتان زارداپ شەككەندەرگە تۇرعىن ءۇي سالۋعا قولعابىس ەتۋدە.
جاستاردى ماۋسىمدىق جۇمىسپەن قامتۋ جۇمىستارى بويىنشا سۇراقتار تۋىنداعان جاعدايدا وڭىرلىك جاستار رەسۋرستىق ورتالىقتارىنا جۇگىنۋگە بولادى.
ايتا كەتەيىك، «جاسىل ەل» جاستار ەڭبەك جاساعىنىڭ قىزمەتى جەرگىلىكتى بيۋدجەت ەسەبىنەن جۇزەگە اسىرىلادى.