پرەزيدەنت قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا اگروعىلىمدى دامىتۋ جونىندە تاپسىرمالار بەردى، دەپ حابارلايدى Almaty-akshamy.kz.
«قازىرگى اۋىل شارۋاشىلىعى – جوعارى تەحنولوگيالى سالا. شارۋالاردى جەر جاعدايى نەمەسە اۋا رايى ەمەس، يننوۆاسيالىق امال-تاسىلدەر تابىسقا جەتكىزەدى. زاماناۋي عىلىمعا سۇيەنبەسە، اۋىل شارۋاشىلىعى جاي توقىراۋعا ەمەس، قۇردىمعا كەتەدى. اگروعىلىمدى دامىتۋ جانە ەڭ باستىسى، ونى اۋىل شارۋاشىلىعىندا ءىس جۇزىندە قولدانۋ ءۇشىن شارالار قابىلداۋ قاجەت»، - دەدى مەملەكەت باسشىسى.
پرەزيدەنت ۇلتتىق اگرارلىق عىلىمي ءبىلىم بەرۋ ورتالىعىن زەرتتەۋ ءىسىنىڭ بارلىق ساتىسىن قامتيتىن اگروتەحنولوگيا حابىنا اينالدىرۋ كەرەگىن جەتكىزدى.
«سونداي-اق شەتەلدىڭ تانىمال اگرو-عىلىمي ورتالىقتارىمەن تولىققاندى عىلىمي-تاجىريبەلىك ىنتىماقتاستىق ورناتۋ كەرەك. ءبىز جەكە عىلىمي-تەحنولوگيالىق باستامالاردى قولدايمىز. ءبىلىم باعدارلامالارىن اۋىل شارۋاشىلىعى تالاپتارىنا بەيىمدەيمىز»، - دەدى قاسىم-جومارت توقايەۆ.