فەرمەرلەر ۇكىمەتكە حات جولدادى.
ولاردىڭ پىكىرىنشە، بۇگىندە بارىن ساقتاپ قانا قويماي، اگروونەركاسىپتىك كەشەندى تەحنيكالىق جابدىقتاۋ ءۇشىن جاڭا جاعدايلار جاساۋ قاجەت، دەپ حابارلايدى Almaty-akshamy.kz.
قازاقستان فەرمەرلەر قاۋىمداستىعىنىڭ باستاۋىمەن ەلىمىزدىڭ ديقاندارى مەن ماشينا جاساۋشىلارىنىڭ رەسپۋبليكالىق كەڭەسى ءوتتى.
جيىندا وتاندىق اۋىل شارۋاشىلىعى تەحنيكاسى پاركىنىڭ اعىمداعى جاي-كۇيىن جانە ونىڭ ناقتى مۇمكىندىكتەرىن تالقىلانىپ، ۇكىمەتكە حات جولدادى.
كەڭەستە كوپ ايتىلعان ماسەلە - تراكتورلار مەن كومبايندار پاركىن جاڭارتۋ بويىنشا ليزينگتىك باعدارلامالار بەلسەندىلىگىنىڭ تومەندەۋى بولدى.
ق ر اۋىلشارۋاشىلىعى مينيسترلىگىنىڭ مالىمەتىنشە، 2021 جىلدىڭ باسىندا ەلىمىزدەگى اۋىلشارۋاشىلىعى تەحنيكاسىنىڭ پاركىندە 147،7 مىڭ تراكتور، 38،1 مىڭ تراكتور بار. ولاردىڭ 80% توزعان. سوندىقتان، شۇعىل جاڭارتۋ شارالارىن قولعا الۋ كەرەك.
«2022 جىلعى ەگىن جيناۋ ناۋقانىنا ۋاقتىلى دايىندالۋ، سونداي-اق پروسەستى بيۋروكراتياسىزداندىرۋ ماقساتىندا، اۋىل شارۋاشىلىعى تەحنيكاسىن جەڭىلدىكپەن ليزينگتى نەسيەلەندىرۋدىڭ باعدارلاماسىن ىسكە قوسۋدى ۇسىنامىز»، - دەلىنگەن ۇكىمەتكە جولدانعان ۇندەۋحاتتا.